احببت متشرده بقلم اسراء ابراهيم

اسكربت 
ارجوك انا هصلح اللي كسرته بس متقطعش عيشي من هنا انت متعرفش انا مريت بأيه
قالت كدة رهف پخوف وهي بتبص لصاحب البيت اللي بتشتغل فيه وماسكة في ايديها فاظة مکسورة وهو كان بيبصلها پغضب وقالها وهو بيشاورلها بايديه علي باب الشقة 
انا قولت من الاول انك عيلة ومش بتفهمي في شغل البيت اطلعي برة ومش عاوز اشوف وشك تاني واحمدي ربنا اني مقولتلكيش ادفعي تمنها
بصتله رهف بحزن وسابته ودخلت المطبخ لمت الكام فستان بتوعها ومشيت وهي مش عارفة هتروح فين او لمين هي ما صدقت لقت حد تشتغل عنده من غير ما يسألها عن تفاصيل حياتها وكمان من غير ما يسأل عنها او يسألها فين اوراقك قعدت عالكورنيش وحطت شنطة هدومها جمبها وخبت وشها بايديها وفضلت ټعيط مش مصدقة انها هترجع تاني للمرمطة والنوم في الشارع والمضايقة من الناس اللي مش كويسة وهي بټعيط انتبهت لصوت ست كبيرة وهي بتقولها بقلق 

انني كويسة يا بنتي 
رهف اتخضت وردت وهي بتشيل ايديها من علي وشها ايوة كويسة
خيرية بحنان مش باين عليكي خالص احكيلي يا حبيبتي يمكن اقدر اساعدك انا شايفة معاكي شنطة هدوم انتي كنتي مسافرة وتوهتي ولا ايه
رهف بحزن لا انا اطردت من عند الناس اللي كنت شغاله عندهم وكل ده عشان كسرت فاظة غالية بس والله مكنش قصدي
خيرية بضيق لا حول ولا قوة الا بالله الناس ايه اللي جرالها متزعليش يا بنتي بس اللي زي الناس دول كترو اوي بس انتي ليه مرجعتيش لاهلك 
رهف بتردد انا مليش حد خالص وكنت عايشة مع عمي ومراته بعد مۏت ماما وبابا بس مراته بقي مكنتش بتحبني وكمان مكنتش مرتاحة معاهم فهربت الشارع امان عن معاهم
خيرية بشفقة صعبتي عليا يا حبة عيني طب يلا قومي معايا
رهف اترددت لان لما بصت لخيرية لقت لبسها بسيط وشكلها علي قد حالها
رهف بتردد هنروح فين 
خيرية بحنان هتروحي معايا ماهو مش معقولة هتفضلي قاعدة في الشارع كدة قلبي مش هيطاوعني اسيبك
رهف بتوتر ايوة بس يعني انتي باين عليكي يعني
خيرية بابتسامة باين عليا اني غلبانة مش كدة اكمني يعني لبسي علي قدي 
رهف بسرعة والله مش قصدي يا طنط انا اسفة بس انا مش عاوزة اكون حمل تقيل عليكي كفايا ظروفك
خيرية بحب متتأسفيش يا حبيبتي ومتقلقيش انا الحمد لله مستورة اينعم علي قد حالي بس راضية ومبسوطة الحمد لله انا مش عايشة لوحدي انا معايا ابني وبنتي عرايس كدة قدك وابني بيشتغل وهو اللي بيصرف علينا بعد مۏت ابوه الله يرحمه فانتي بقي هتعيشي معانا لحد ما ربنا يسهل وتلاقي مكان احسن ليكي ايه رأيك
رهف بدموع فرحة انا بجد مش عارفة اشكرك ازاي انا مكنتش عارفة هعمل ايه وهعيش في الشارع ازاي لاني مجربة نومته وصعبة اوي ياطنط
خيرية بحب طب يلا بينا وبلاش طنط دي انا زي امك قوليلي ياماما
رهف بفرحة حاضر حاضر ربنا يخليكي ويبارك فيكي يارب انا بجد مش عارفة اشكرك ازاي
ومشيت رهف مع خيرية وهي من جواها فرحانة اوي لانها عالاقل مش هتنام في الشارع وتتبهدل حتي لو مؤقتا لحد ما تلاقي ناس تخدم عندهم
في بيت خيرية كانت رهف بتتفرج عالمكان وعلي وشها ابتسامة واسعة شقة رغم انها واسعة اوي بس في بيت بسيط وحي شعبي هادي وكمان الاساس بتاعها قديم 
خيرية بابتسامة ها عجبتك الشقة 
رهف بلهفة اوي اوي جميلة خالص يا طنط قصدي
ياماما
خيرية بحنان طب يلا انا هخش احضر الفطار
علي
ما