اسكريبت رحمه طارق
تانية
حطيها هنا من فضلك
حطيتها بهدوء وبصيت لملامحه غرقان في الشغل رافع أكمام قميصه لابس نضارة نظر وبين حواجبه 111 زي عادته كل ما يفكر في حاجة يهرب من تفكيره بالشغل خمس سنين مراقبة مش حاجة هينة على ست زيي
فيه حاجة واقفة عندك لية
ارتبكت ومسكت الصينية لا أبدا بعد اذنك
لحظة واحدة
اتجمدت مكاني قولته أن العيون فضاحة ونسيت افكر نفسي لفيت ببطء وبصيت للأرض
تحت أمرك
لو تعبانة ومش قادرة تقفي ممكن تاخدي باقي اليوم اجازة
مفهمتش قصده أية غير لما اخدت بالي أني اټخضيت منه لدرجة اني وقفت اترعش قصاده وهو افتكرني دايخة !
حاضر يا فندم شكرا لحضرتك
وقبل ما اخرج من مكتبة سمعته بيقول
اسمك أية
ابتسمت ورفعت عيني بص لوش القهوة يمكن يفكر بيا
وقبل ما يستوعب جملتي أو يفهم اني انا بظهرله في كل مكان كنت خرجت من الشركة من باب خلفي محدش يعرفه غير شركائه في الشركه شركائه وبس
نتنافس
قولتها بصوت واثق وانا باخد من أيده مسډس الرماية
أنا أنافس بنت
ضحكت بسخرية أية خاېف تخسر
مسك المسډس التاني ودخل الكابينه بتاعته فدخلت الي جنبه ثانية واتنين والتالته سمعته بعدها بيقول
كل طلقة برا الهدف بسر هقوله ليك والعكس موافق
مردش بس سمعت في لحظة صوت الطلقة الأولي وهي دايرة الهدف بالظبط ابتسمت وضړبت طلقة برا الهدف بكل ثقة
سمعت صوته العالي مكنتش متوقع منك كدا بعد الثقة دي كلها
أول سر من كام سنة قصيت شعري الطويل الأسود في لحظة ڠضب من نفسي ومن ساعتها وأنا حاسة اني فقدت جزء كبير مني كإنسانة وبعد ما فقت اخدت القرار اني هعافر وهفوز أو هخسر ومهما كانت الخسارة مش هعذب نفسي او هلومها في المقابل أبدا لانها فعلا عملت الي عليها بس هو الي مشافش هو الي أعمى
دورك أضرب
وفي لحظة كان ضړب وفي الهدف بالظبط فمسكت المسډس وضړبت لتاني مرة برا الهدف
سر تاني
وانا صغيرة تيتة كانت بتحكيلي قصص أميرات ديزني وكانت شيفاني أميرة منهم على الرغم من شكلي العادي على الرغم من حياتي البسيطة لكن هي كانت مؤمنه بدا لحد ما في يوم من الأيام وقعت في حب شخص قريب مني وقررت أسمع نصيحة جدتي وأشوف نفسي أميرة
وبعد كدا أية الي حصل الي بتحبيه حبك
بصيت للحاجز الي ما بينا بحزن
دورك اضرب يلا
وضړب وللحظ السعيد مكانتش في الهدف
قولي سر
أنا كمان حبيت بنت
قريبة منك
هقولك حكايتها لما أخسر تاني دورك
مسكت المسډس پغضب وضړبتها في الهدف بالظبط
أخيرا
ميلت راسي من ورا الحاجز وقلعت السماعات
يمكن انا الي كنت عاوزة أخسر يمكن أنا الي كنت محتاجة أتكلم
واخدتها حجة بس انا عمري ما كنت فاشلة أبدا
قلعت جاكت البدلة وحطيت المسډس على جنب
أنا مقصدش اضايقك
ابتسمت وبصتله عارفة أنا الي مضغوطة شوية
لية
بفكر في شعري يا ترى اقصه تاني ولا اديله فرصة كمان
شعرك شعرك ماشاء الله برتقالي وحلو وطويل تقصيه ليه
لمسته بسخرية وقربت من الباب
عندك حق دا شعري فعلا شعر واحدة بتحب الرماية والمحاربة والمجازفة والتمرد بس يا ترى لو كنت واحدة تانية صاحبة شعر اسود قصير وحياتي كلها روتين في روتين وشغل في شغل كنت ممكن أسيب شعري يطول ولا اكتفى بالمعافرة في طريق حلم لسه ملوش نهاية
أنا مش فاهم حاجة
انت خريج أية
هندسة
طب ما تدور حواليك يمكن اسم كليتك يفهمك حاجة يا
