براءه بين الاشواك

 

القمر.. عندكم حق عايزبن تتجوزوا في يوم وليلة.....
جلست حياه وفرح وبدءوا بتبادل السلام والتعارف على أهل ليث ولم يسلموا من نظرات ثريا المتفحصه ل حياه...
وأثناء حديثهم استقام الدكتور مراد كى يأتى بالمأذون الذى حضر بالخارج لتصدح وداد بإطلاق الزغاريط لتتلألا الأجواء سعاده وتدمع العيون إنبساط مشتاقه لهذا اليوم
تقدمت حنين أخت ليث لتقديم المباركات لهما 
مبروك يا مرات أخويا ربنا يحميك أنتي فعلا جميلة أوي عنده حق أخويا يستعجل ويخطفك زي ما خطفتي قلبه....
تحدثت حياة بصوت هادئ وخجل وهي تنظر أرضا 

شكرا عقبال زين وزينة....
وذهبت نحو فرح وآدم تهنئهم بمزاح 
الف مبروك ياآدم .. الف مبروك يافرح .. قالتها وأكملت 
عروستك زى القمر.. شكلها شقيه وهتجننك اكتر ما أنت مچنون....
ابتسمت فرح هاتفه بدعابه 
الله يبارك فيكى ياحنين أنتى الأجمل حبيبتى..
قطع التهانى صوت المأذون متحدثا بصوت عالي 
مين وكيلك يا بنتي...
قال كلماته موجهها ل حياه
وزعت حياة نظراتها بخجل بين ليث ووالدتها التي كانت تطالعها بعيون باكيه بسعادتها من تلك اللحظه نظراتها إشاره منها كى تدعمها فى ما ستقوله لتتفهم عليها صفيه وتوافقها رأيها.......
طأطأت رأسها خجلا تفرك كفيها ببعضهما لتحمحم هاتفه ترد على سؤال المأذون مردفه بغبطه 
عمو جمال هو وكيلي....
تفاجئ الجميع من كلامها لتغمر السعاده ليث على تلك اللفته الجميله لتثبت له أنه احسن الأختيار عندما أحبها....
اقترب منها جمال يلثم جبهتها في قبلة أبوية فخورة قائلا 
وده شرف ليا يا بنتي...
فتح الشيخ دفتره وتم مراسم كتب الكتاب ليكون الدكتور مراد زوج حنين وآدم صديقه شاهد أول وثاني على العقد لينتهى المأذون ويعلن ليث وحياه زوج وزوجه لتعم الفرحة والبهجة قلوب الجميع....
اقتربت منها والدتها تغمرها بحنانها تهنيها متمنيه لها السعاده وهى توصي ليث عليها..
بعد أن بارك لهم الجميع صاح المأذون مره أخرى أين العروس الثانيه..
صدح صوت جمال هاتفا وهو ينظر ل شريف ولد فرح قائلا بحبور 
يسعدني يااستاذ شريف أنى أخطب فرح لابنى التانى آدم ويشرفنى لو تقبل بكتب كتابهم دالوقت وتبقى الفرحه فرحتين..
أجابه شريف بفرحه عارمه من هذا النسب الذى سيكون نقله كبيره ستغير حياتهم قائلا 
الشرف لينا ياجمال باشا طبعا موافق...
نظر آدم بامتنان ل جمال شاكرا له وقفته معه وكم اسعده أسلوبه المنمق فى طلب فرح حتى لا تشعر بالحرج او التقليل من شأنها لان خطبتها تمت بفيلا صديقتها...
ولتانى مره يفتح الدفتر ويسجل المأذون اسم العريس آدم الالفى والعروس فرح الشريف.. ووكلاء العروسين جمال الهلالى وليث الهلالى.. لينتهى باعلانهم زوجين أمام الله والشهود العيان..
هذه المره صدحت زغاريط فرح متناسيه

تماما انها هى العروس وأطلقت العنان للزغاريط والتهليل ليخر الجميع بالضحكات وتسود أمسية الخطوبه فرحه صافيه نابعه من قلوب محبه....
تركت صفيه ووداد العرسان واستقاموا لتحضير مائدة العشاء احتفالا بالعرائس لتقوم معهم ثريا وحنين للمساعده وتوثيق الروابط الاسريه بينهم بعدما أعدت السفره نادتهم صفيه لينهض الجميع يلتفوا حول المائده يأكلون ويثرثرون في جو مليئ بالسعادة بعدقليل انتهى العشاء ليستقيموا جالسين ببهو الفيلا...
قطع حديثهم صدوح صوت ثريا هاتفه 
لو ممكن يامدام صفيه فنجان قهوه من أيد عروستنا....
تدحرج الإحراج على وجهه صفيه ولكن تمالكت نفسها وأجابتها بثقه 
بنتى مش بتعرف تسلق بيضه يبقى أكيد مش هتعرف تظبط فنجان قهوه لحضرتك أنا اللى هقوم اعمله بنفسى مش هخلى الخدامه تعملوه...
قالتها متعمده حتى يصلها أن ابنتها ابنة عز حتى وهى خجله بريئه ولا تفقه من أمور الدنيا شئ ولكن بعز أبيها هى تتنعم والكل من حولها يطيعوها لا تعتقدى أنى سأرميها لقمه سائغه بفمك فسأبقى أنا دوما جيشها مهما تكالبت عليها محڼ الحياه....
أمسك جمال بيد زوجته يحثها عالصمت هاتفا يلطف الأجواء 
تسلم ايدك يامدام صفيه احنا مش عايزين نتعبك.....
ردت عليه صفيه بحبور 
تعبكم راحه ياأستاذ جمال.. مش هيجينى أعز من مدام ثريا
قالتها بثغر مبتسم واستقامت تعدها...
فهو رجل يستحق المعامله الحسنه عكس زوجته التى منذ أن وطئت الخطبه تتصيد النظرات وتتفحص ابنتها بشكل مريب...
زفر ليث بحنق من افتعالات والدته هذه ليست طباعها لما الان هذه الحركات كم تمنت زيجتى والان تشتعل حركات الحماوات تطلع لوالده بيأس لينظر له جمال يحثه على الهدوء....
دنى جمال من صفيه هامسا لها بنبره حاده 
أنتى ليه مصره تبوظى فرحة ابنك
. مش ده اليوم اللى كنتى مستنياه وبتزنى عليه عشان يتجوز.. عايزه تكسري فرحته وتخسريه للأبد أنت مش شايف قد أيه هو سعيد....
شهقت ثريا بحزن هاتفه 
بعد الشړ عليه من الكسره والحزن بس أنا شيفه حياه لاخمه خالص.. لا بتصد ولا بترد.. ده أنا اسعد يوم فى عمرى لما أشوفه متجوز ومنتهى مع اللى تسعده.. بس حياه تحسها طفله وليث عايز ست تفهم يعنى أيه زوج....
كتم جمال غيظه منها واردف بنزق 
خلصنا ياثريا فات وقت الكلام ده وابنك أدرى بمصلحته وقفلى كلام فى الموضوع ده ...
امتعضت ثريا من حديث زوجها والټفت تحدث حنين ابنتها
على أريكه جانبيه يجلس آدم وفرحه يتحاذبو الهمسات....
تحدث آدم بحب 
مبروك يافرحتى 
بهمس طروب هتفت 
الله يبارك فيك ياعمرى.. 
يا أحلى فرحه فى حياة فرحه....
بمرح عقب على همسها 
ياصلاة النبى أحسن.. جناني على ايدك يافرحتى 
همست ببرأه مبطنه تجيبه 
فى أيه يادومى سلامة من الجنان ياقلبى سيب أيدى وأنا أروح أجيبلك كريز من المطبخ...
ضغط على شفته السفلى ودنى من أذنيها أكثر هامسا 
يابت بلاش دلع ھموت قبل ما ادخل دنيا 
ارتجفت أوصالها 
تلعثمت وتبخر دلعها هاتفه 
اعقل عشان احنا وسط ناس بدل ما تلبس فى جعفر دالوقت...
صاح قائلا 
أيوه كده أظهر على حقيقتك ياجعفر
قالها بصوت مرتفع قليلا ليلتف على اثره جمال الهلالي بحكم هو الأقرب منه...
نهره جمال پحده 
أيه ياادم راعى فى ناس قعده معاك
قالها وهو ينظر ل شريف حتى لا انتهى ليلتهم بأمر سئ....
اومأ له آدم بصمت وحول نظره ل فرح هاتفا 
بت يافرح أنتى تقومى من جانبى عشان كده ابوكى هيقفشنا 
لم تنتظر أن تستمع لباقى كلامه تركته مسرعه للخارج....
بزاويه أخرى يجلس ليث بجوار حياه يمسك راحتيها ويتخلل بأصابعه بين أناملها ..
هاتفا بعشق 
مبروك ياحياتي...
أومأت بصمت تهز رأسها وعينيها خجله أرضا
رفع يده الحره وأمسك ذقنها يرفع رأسها كى تنظر له هاتفا 
فين مبروك بتاعتى .. وغير كده مش اتفقنا تبصيلى
رفرفت بأهدابها ونبره ناعمه همست 
مبروك..
تنهد بالصبر يهمس لها 
هكتفى بكلمه واحده من خاتم سليمان لحد ما الناس دى تمشى وبعدين هعلمك تقولى مبروك أزاى....
قالها و أصابعه تتوغل بأناملها ألصقها بخافقه كى يسمعها عزفه الطروب وهى بالقرب منه....
الليله ليلة الأحاديث الجانبيه ل ثريا هانم...
اقتربت ثريا من حنين هاتفه بامتعاض 
هي مالها بصه في الأرض كده ليه لتكون مريضة

نفسيا أو عندها عقدة.....
تكلمت حنين بأسف من كلام والدتها 
حرام عليك يا ماما هي بس خجولة ومش واخده علينا ولو كانت مريضة كنت عرفت متنسيش أنى دكتور نفسيه بدليل إنها مش بتبص في عيون حد غير ليث وكمان بټخطف النظرة له بس واثقه إنه هيخليها زي العجينة في إيده وابنك مش هيخرجها من الفيلا عشان جمالها......
ثريا بتأييد أردفت 
هي شهاده لله البت تستاهل إنه يتجنن عشانها جمال وأدب واخلاق.. ربنا يسعدهم أينعم انا قلقانه بس ابنى معذور انا عرفت ليه هو استعجل بالشكل ده.. البت الخام وابنى هيربيها ويشكلها على أيده ومزاجه ابن بطنى طالع زى أبوه....
ضحك جمال بسعادة عندما استمع لحديثه زوجته قائلا 
أنا كنت متوقع إنه هيبقى في دخلة كمان أنا عارف جنان ابني...
وأكمل بغمزة من عينيه 
اهوو اعترفتى إنك كنتى زيها والبركه فى أبو الواد خالاكى قطه مخربشه
لم تتمالك نفسها وصدحت ضحكتها لتفك عبوسها بليلة خطبة بكريها وهى تتمنى لهم السعاده لعل الله يخيب ظنها فى تلك الزيجه.....
تعالت الضحكات العذبه المحبه وظلوا يتهامسون على تملك ليث من حياة وإحاطته بها كما لو أنها ستخطف منه....
بارك لهم الجميع وانصرفوا وتركوا ليث معها.
للحديث بقيه ...............
براءه_بين_ الأشواك
ياسمين_الهجرسى