قصه بقلم يارا رشدى

اخمص قدميها الي راسها 
نظرت الي هيئتها وهي تقول 
اه لبست اهو ولا عميت مش شايف البلوزه وبنطلون 
_ لا والله حضرتك انا مش شايف غير بلوزه مفتوحه وعريانه وبنطلون مقطوع وشكله يقرف 
ده Cutting 
_ يا برودك يا شيخه 
الټفت الي والده وهو يقول 
عاجبك تخرج بالمنظر ده !
_ عمو شريف مش بيعترض علي لبسي خليك في حالك انت وملكش دعوه بيا 
_ انا فعلا مش بعترض علي لبسك يا نيره بس مينفعش تخرجي بلي عليكي ده مش حلو خالص في لبس احلي من كده عندك 
لتقول ناديه 
عندك الفساتين الشيفون شكلهم بيكون جميل عليكي تعالي نشوفهم 
_ لا انا عاجبني اللبس ده ميتحكمش هو في حياتي ويقولي البس ايه واعمل ايه مش علشان قاعده في بيته يتحكم فيا انا قاعده هنا لان ظروفي جات كده بابا مش عايز ياخدني مفيش في ايدي حل 
قالتها بانفعال ليقول شريف 
لو مراد جه في يوم من الايام وقالي عايز اخد نيره تعيش عندي مش هوافق انتي بنتي محدش يقدر يستغني عن بنته يا نيره
_ مفروض بعد الكلمتين الحلوين دول تسمعي كلام بابا وتغيري هدومك 
قالها فادي بمزاح حتي يقوم بحل الامر وتبدل ثيابها ويصمت سليم لتقول هي 
هغيره علشان عمو شريف شايفه مش حلو 
قالتها ورحلت ليقول سليم 
اخرت دلعكم فيها ايه عايز افهم 
_ انا لما اخطبها هغيرها واخليها تبطل لبس ده 
قالها فادي بثقه واضحه ليقول سليم 
ونبي اتنيل علي خيبتك باماره الفستان بتاع الحفله هه
لوي فميه بضيق واضح وهو يقول 
متفكرنيش يا شيخ 
جلست العائله باكملها علي المائده لتناول الطعام ونيره تناول طعامها في صمت 
_ عملتي ايه في امتحانتك يا نيره 
قالتها اشرقت بتساؤل 
_ حليت يا اختي 
قالتها نيره باقتضاب ركلها فادي بخفه في قدميها لتقول هي بابتسامه مصطنعه 
اهو يعني الحمدالله ربنا يستر ميرسي يا شوشو علي سؤالك 
وعين فادي معلقه علي مريم يريد فهم لماذا كذبت عليه .. 
لاحظت نيره نظرات فادي الي مريم ابتسمت ساخره وهي تهتف بداخلها 
ماشالله العيله كلها سحابه اشرقت سحبت سليم وادي فادي البت سابته وهو لسه مېت عليها 
لمحها تنهض من مكانها لحق هو الاخر دون ان يلاحظ احد وهتف 
كدبتي عليا ليه يا مريم !
انتبهت اليه هاتفه 
كدبت عليك في ايه 
ليقول هو بثبات 
العمليه وان اختك حليت المشكله 
_ لانك لو اخر واحد في الدنيا انا مش هتجوزك يا فادي ولا هسامحك

_ ده علي اساس اني كنت هتجوزك علشان مېت في دابديبك مثلا 
حركت راسها بالنفي وهي تقول بابتسامه 
لا علشان تصلح غلطتك بس انا بقي شايفه انك تصلحها مع نيره وضعها اصعب مني تخيل تكتشف فجاه الي حصلها يا تري وضعها هيكون ايه ! 
او رساله صغيره كده ليها شبه رسايل الي كانت بتبعتها ل اشرقت 
ضغطت علي شفتيها هاتفه باسف مزيف 
يا تري هتعمل ايه لو فجاه كده جاتلها رساله وتعرف كل حاجه 
_ ريم اياكي 
قالها فادي بتحذير لتقول هي ضاحكه 
لازم يا فادي تعرف مش معقوله البنت تفضل مخدوعه كده حراام 
_ انا هتجوزها ملكيش دعوه بحوار ده يا مريم 
_ موعدكش بصراحه 
قالتها ثم اختفت من امامه وهي تضحك ليقول فادي 
هي ناقصاكي يا مريم انتي كمان 
_ بنت عمك هاديه النهارده يعني 
قالتها اشرقت بهمس لسليم ليقول هو 
الحمدالله ربنا هداها وطلعتني من دماغها 
_ في الفتره القليله دي مش معقوله 
_ اهو ربك لما يريد بقي 
نظرت اشرقت الي نيره تفحصتها وهي تتمسك بهاتفه تبعث به والابتسامه علي شفتيها ومن الواضح انها تقوم بالتحدث مع احد قالت 
هي طلعتك من دماغها ودخلت حد تاني فيها حتي لو تلاحظ من اول ما جات الموبيل منزلش من ايديها ثانيه واحده 
_ قصدك ايه لا طبعا نيره ملهاش في كلام ده تلاقيها بتكلم مع صحابها ولا حاجه 
تنهدت اشرقت هاتفه 
نيره صغيره ممكن جدا علشان تحاول تنساك وتطلعك من دماغها تعمل اي حاجه ترتبط من الفيس او اي حاجه من حاجات البنات الصغيره انا بقولك كده لاني خاېفه عليها تصرفاتها باينه انها بتكلم حد
شرد سليم في كلمات اشرقت وهي ينظر الي نيره التي تبعث في هاتفها وتبتسم ..
عادت العائله باكملها الي المنزل اوقف سليم نيره التي تنظر الي هاتفها 
هاتي موبيلك كده
_ نعم ليه ان شالله !
_ هشوف حاجه ورهوني لحظه
_ لا موبيلي وانا حره فيه مش عايزه ادهولك ايه ده
ليقول فادي 
في ايه يا سليم انت بتدور علي اي مشكله مع نيره وخلاص 
وصلت رساله الي نيره واصدر هاتفها صوت ما نظرت هي الي الهاتف وفي نفس لحظه جذبه منها سليم صړخت ايه به 
ايه ده يا غبي انت 
كادت ان تسحبه منه ولكن سليم هتف 
حازم !
ظل يقلب في الهاتف وشاشه المحادثه التي بينهما وهو يقول 
الله الله انتو مرتبطين 
قالها وهو يلقي الهاتف بقوه علي الارضيه لتقول نيره 
اه مرتبطين وبكره هيجي يتقدملي ليك حاجه عندي ! 
قالتها وهي تتناول الهاتف من الارضيه وجدت ان شاشه حدث بها كسر هتفت 
كسرت الشاشه الهي تتكسر ايدك يا اخي 
وفادي يقف في صډمه حازم يقصد حازم رفيقه !!!
هتفت فادي 
حازم صحبي ولا واحد تاني 
_ هو صاحبك الصايع ما انت خدتها معاك الحفله راح هو لعب عليها
قالها سليم لتقول نيره 
حازم مش صايع ده بيحبني وقالي بكره هيجي يتقدملي 
_ يتقدم لمين يا ماما يتقدم لمين انتو بتقولو ايه ولا بتكلموا ازاي حازم ايه !
قالها بعصبيه فادي وهو يجذبها من ذراعيها هاتفآ 
انتي ازاي تعملي ومن امته كلامكم !! انطقي ردي عليا 
_ سيب ايدي انتو كلكم هتعملوا فيها رجاله عليا انا حره اعمل الي انا عايزاه محدش منكم لي حكم عليا
_ انتي غبيييه غبيه مش فاهمه حاجه 
قالها فادي وهو ېصرخ بها ليقول سليم 
ومش هتفهم خلاص اتعملها غسيل مخ بكلام الحب ما هو دلوقتي سليم طلع دخل حازم 
خرج فادي من الفيلا باكملها واستقل سيارته وظل يقودها بسرعه مرتفعه متجهآ الي حازم 
اما في الداخل هتفت نيره بابتسامه 
اه طلع سليم لان سليم طلع ملهوش لازمه وميستاهلش واحده زي اخره واحده زي اشرقت انما واحده حلوه وجميله زي تستاهل واحد احسن منك الف مره 
_ ومين بقي الاحسن مني حازم !!
قالها واڼفجر في

الضحك لتقول نيره 
اه حازم احسن منك 
_ اه ومالو اهو يعلمك الشم والشرب حاجات جديده تنفعك في المستقبل
_ ومفروض بقي اصدقك صح ! وحتي لو هو كده فعلا انا موافقه بيه مين فينا الي هيتجوزه انا ولا انت سوري يعني ! رايك في زباله يا سليم لان انت عارف عمو مش بيقولي علي حاجه 
لاسف دلع بابا وماما ليكي ضيعك وانا مش هستني لما تضيعي اكتر ليكي اب يجي يشوفله صرفه معاكي 
قالها ورحل من امامها قلدت هي كلماته بسخريه ليكي اب يجي يشوفله صرفه معاكي 
قام حازم بمحو الډماء اثر لكمه فادي له وهتف 
يعني يوم ما اقرر اصلح غلطتي يبقي ده جزائي!!!
_ عايز ايه من نيره تاني مش مكفيك الي عملته فيها!! واوعي تقول انك عايز تصلح غلطتك لاني مش هصدقك 
قالها فادي بعصبيه ليقول حازم 
هي دي الحقيقه ولو في نيتي اي لعب مكنتش هروح بكره واتقدملها انا حسيت بغلطتي يا فادي لما لقيت نفسي خسرتك 
ابتسم فادي ساخرآ وهو يقول 
يا شيخ قول كلام غير كده
_ هخطبها وهتجوزها وكده يبقي صلحت غلطتي اي نعم انا مكنتش لوحدي يومها بس الي حصل كان بسببي 
تنهد فادي بقوه هاتفآ 
لو عرفت ان حكايه الخطوبه دي وراها ملعوب ھقتلك يا حازم 
قام بالاتصال بعمه واخبره كل شئ عن نيره ..
_ ماشيه مع واحد صايع ومصممه تتجوزه لازم تيجي تشوف حل معاها بلاش تعتمد علي بابا لانه مش هيعمل غير الي عايزاه نيره وهيوافق 
انهي المكالمه مع عمه بعدما اخبره انه سياتي في الصباح ..
نظر الي شاشه الهاتف وهو يقول 
اما نشوف اخرتها معاكي يا ست نيره ..
جلس فادي بجانبها وهو يقول 
هو احنا مش صحاب دايما يا نيره مجبتيش ليه قولتيلي علي حازم 
_ اصلا الحكايه من فتره قريبه في خطوبه سليم ومجتش مناسبه اقولك مكنش قصدي اخبي عليك حاجه هي جات كده معايا 
_ عايزاه فعلا يا نيره ولا بس علشان تغيظي سليم 
_ انا نسيت سليم مبقتش افكر فيه شكلها فعلا مشاعري من ناحيته كانت مراهقه 
_ بس حازم مش كويس ده صحابي وانا عارفه كويس مش شرب وسهر وخلاص لي في المخدارت والحشېش ليه ترمي نفسك في حاجه زي كده 
_ بتكدب عليا زي سليم 
قالتها بتساؤل واضح ليقول هو 
ابدا والله ومعرفش اصلا سليم قالك ايه بس انا بقولك حقيقه صاحبي هتقدري يا نيره تعيشي حياتك مع واحد زي كده ! 
_ مش عارفه بس انا بحبه 
_ الحب مش كل حاجه يا نيره طيب ما انا اهو بحبك من واحنا صغيرين بس انتي مشوفتنيش وقلبك كان مع سليم عملت حاجه ولا اتكلمت سكت وقولت المهم تكون هي مبسوطه وكنت بسمع كلامك عن سليم ولما خطب سليم وخرج من قلبك قولت دي فرصتي كلمت بابا وقولتله اني هخطبك بعد امتحاناتك 
ضحك وهو يقول 
بس ملحقتش لاسف قلبك راح لحد تاني وقريب مني بردو زي سليم شوفتي النحس 
وفي الحقيقه فادي يخطط لشئ ما في عقله لم يقوم بتسليم نيره الي حازم مهمها حدث ..
_ ايه الاشتغاله الاوفر دي بتحبني انا ازاي ! ومريم بقي موقعها ايه من الاعراب !
_ مريم مين! 
قالها بدهشه مصطتنعه لتقول نيره 
حازم قالي علي كل حاجه 
شحب وجهه وهو يقول بتوتر 
قالك ايه !
_ انكم كنتوا مرتبطين وهي سابتك وانت لحد دلوقتي لسه بتحبها 
_ ده كداب مفيش الكلام ده تلاقيه كان شارب وقتها بس
يا سلام ولما قولتلي شيلي بلوك يا نيره عايز اتكلم معاكي ده كان ايه ! يوم قرايه الفاتحه بتاعه سليم ..
_ يا بنتي لا ده حوار قديم ملهوش لازمه بس مش حب والكلام ده انا بحبك انتي من زمان ايام ما كنا عيال بس مكنش ينفع اتكلم ولا اقول حاجه وانتي مفيش حد في دماغك

غير سليم 
_ ودلوقتي في 
قاطعها فادي وهو يقول 
عارف دلوقتي في حازم بس حازم مش بالصوره الي انتي متخيلاها دي مش بقولك كده علشاني بس بعرفك حقيقته مش اكتر وبراحتك دي حياتك وانتي حره فيها يا نيره انا اصلا اتعودت اني احبك من بعيد فالموضوع مش فارق معايا مهم انك تكوني مبسوطه وبس
قالها ورحل تاركآ اياها الكثير من الافكار في عقلها ولا تدري ما هو الصواب ..!
_ اتصلت بابوها ليه ېخرب بيتك !!
قالها فادي بعصبين ليقول سليم 
امال اعمل ايه استني لما تخطب لحازم بكره بابا مش هيقولها لا 
_ انا اتصرفت وحليت الموضوع منك لله يا بعيد خربت كل حاجه بدماغك دي
_ حليته ازاي يا ابو العريف !
_ لينت راسها بمعرفتي بس بعد