رواية جديده ولنا في الحلال لقاء بقلم فاطمة إبراهيم
ايه يبنتى حمار ۏحشي تايهه في الغابة محدش عارف يمسكه بقر تايهه وسط الخضرة !
بقرة لما تبقي تاكل ودانك ي بعيد
وبالنسبة للحمار عادي يعنى
أحم هعديها علشان عاوزة طلب
اه خير ان شاء الله
يوسف ممكن أروح فرح ريم صحبتي
تروحي فين سمعينى تاني كدا !
أنا قولت برضو ان سمعك تقيل بصوت عالي فرح ريم صحبتي عاوزة احضره
في ايه ي يوسف !
في ايه ي يوسف متعرفيش في ايه ي هانم !
فرح يعني عريس
طبيعي
فرح يعني فستان حلو وميكب يخليكي حلوة اكتر ما انتي قمر كدا
بإبتسامة متكسفنيش بقي
وبما أنه فيه عريس يبقي أكيد فيه أخو العريس وصاحب العريس وعادل ابن طنط مديحة صاحبة ام العريس ودول كلهم هيشوفوكي مش كدا !
خليهم يعملوا فرح إسلامي وانا وأديكي ولا هو لازم اختلاط
يوسف امشي روح نام كان عندي حق أني أرفض الجوازة دي والله
بتقولي حاجة!
بكلم نفسي فيها حاجة دي واعمل حسابك من بكرا هجيب معزتين اسرحهم في البلكونة اهو تطمن معنتش اتعامل مع بنأدمين خالص
بعيون حمرة ووش أحمر من الڠضب كلمة كمان ي يوسف وھقتلك وهقتل نفسي وهقتل طنط مديحة
أنا نازل عاوزة حاجة
بعدم اهتمام وهي باصة في الفون لأ مش عاوزة
يشاور بإيده قدامها متأكدة
بتشم ريحة برفان قوية تبصله بتفاجئ اقف مكانك
خلصتي تحليلك للبس خلاص عن أذنك بقي اتأخرت
بصوت أعلي يظهر مثلا انك ناسي ان النهاردة السبت اجازة من شغلك
لأ مش ناسي ومقولتش أني رايح الشغل ممكن أمشي بقي
اه طب رايح فين مثلا يعني !
بغيظ يوسف متستهبلش قول أنت رايح فين
من أمتي وأنت بتخرج في يوم أجازتك يعني
لا والله ع أساس أنك عارفة كل تحركاتي ولا ايه
المفروض بتشتغل خمس أيام واجازة جمعة وسبت أيام الشغل بتخلص وبتيجي تاخد شاور وتنزل تقعد في الكافيه انت وصحابك وتطلب شاي بلبن وتتغلب في دور الكوتشينة زي كل مرة وبالليل كنت بتفضل لازقلنا في الشقة بحجة تزاكر معايا عنيك كانت بترشق في كل حتة ماعدا الكتاب! بصراحة اللبس دا مش لبس قهوة خالص وانهاردة مفيش شغل يبقي ايه
بتوتر قصدك ايه يعنى
يعدل القميص بكبرياء أحم إعجاب مثلا أو ح..
متكملش بقولك ايه انت تنسي كل إلا بتفكر فيه دا مفيش حاجة منها صح أصلا
بقي كدا !
أيوا ودي الحاجة إلا المفروض تبقي عارفها كويس
تمام أنا بقي واقعد أخلص الشغل الا ورايا
ايه دا انت مكنتش خارج !
بما أنك عارفه كل تحركاتي فهو الطبيعي أني أكون في البيت وانا غلطان أني فكرت أخرجك نتغدي برا
أييه قولت ايه انا سمعت غلط غدا انت قولت غدا
يوسف رد عليا علشان خاطري هتغدينى برا ! بس دا بمناسبة ايه ! لا انهاردة عيد ميلادي ولا الفلانتين ولا حتي عيد تحرير سيناء !!
هاهاها دمك يلطش
حبيبي ربنا يخليك قول بقي بمناسبة ايه
بمناسبة أنك ... أييه انتي قولتي ايه !
قولت بمناسبة ايه
لأ إلا قبل كدا حبيبك !
انت شكلك بتهلوس ي يوسف
لا والله ماشي المهم
