رواية جديده كان لازم احبك بقلم ايمان شلبي
انت في الصفحة 5 من 5 صفحات
علي السلم ورجلي اتجبست وانا صغيره ده حتي الموضوع اللي عمري ما حكيته لحد حكتهوله
حكايه جابت حكايه وساعه جابت التانيه وانا قاعده مش حاسه بنفسي كنت قاعده بحكيله كل حاجه عني بشغف كبير وهو بيسمعني وبيتفاعل معايا حتي علي أتفه الحكاوي
اليوم ده ضحكت من قلبي رجعلي شغفي اللي راح من سنه فاتت بسبب قصه حب فاشله وشخص مكانش مناسب علي الاطلاق ...
متقلقيش اهلك عارفين
عارفين منين !!
انا قولتلهم ان انا وانتي هنتقابل بعد الشغل وانك هتتغدي معايا ونقعد شويه مع بعض واني هوصلك
طيب تمام
كملي
اكمل ايه!
بعد ما تي صاحبتك وانتي في سنه اولي ابتدائي ايه اللي حصل
هههههههه انت لسه فاكر !
هههههه مانا عندي فضول اعرف بصراحه اصل اللي يشوفك يقول كيوت وكده
ضحك سفيان ضحكه خطفت قلبي بصيتله وانا بقول بهيام
حلوه اوي
هي ايه اللي حلوه!
ضحكتك ياسفيان حلوه اوي
مش احلي منك ياريتال
ا احم نمشي
يالا بينا
خلص اليوم ووصلني سفيان علي البيت شكرته ومشي مع اني كنت اتمني يفضل طول اليوم معايا
قعدته متتشبعش منها هو شخصيا البصه في عيونه ميتشبعش منها ...
كنت بفتكر كل اللي حصل النهارده ...
سرحانه في ايه
تامر تعالي
شكلك مبسوطه
جدا
امممم وياتري ايه السبب
عامر جالي النهارده
بتهزري وانتي مبسوطه عشان كده يعني لسه بتفكري فيه
لا طبعا أنا طردته اصلا
طردتيه!
اتنهدت تنهيده طويله وانا ببعد عنه وبهز راسي وبحكيله اللي حصل بالتفصيل
لا
قولتها بكل تلقائيه ولهفه
متأكده
جدا
انا مبسوط انك قدرتي تتخطي الموضوع ده
الحمد لله لاول مره احس نفسي مرتاحه اوي كده
وسفيان كلمني النهارده وقالي انكم هتتغدوا سوا
تعرف ياتامر انا كنت عاميه زمان بجد
ليه
لو كان سفيان جالي في وقت غير ده كنت ممكن احبه لانه شخص مناسب ويستاهل يتحب
بصلي تامر وقالي بخبث محدش عارف النصيب
يالا حي علي خير
وانت من أهل الخير ياحبيبي
خرج تامر وانا روحت في النوم
صحيت تاني يوم الصبح روحت شغلي كالعاده وفات اليوم وانا بفكر في سفيان اللي أصبح شاغل تفكيري ..
فات يوم ورا الثاني فات اسبوع وانا معرفش حاجه عنه كل ما أسأل تامر يقولي معرفش ..
وفي يوم كنت قاعده معاهم بنتفرج علي التلفزيون وماما قالت كلمه خلتني اتنفض من مكاني
الخميس اللي جاي أن شاء الله
ف فرح سفيان !
بصتلي ماما وهي بتاكل لب بلامبالاه اه هيتجوز
تامر علي فكره هو عازمنا كلنا وانتي لازم تحضري
لا طبعا مستحيل الناس تقول عليا ايه احضروا انتوا انا مش هحضر حوا علي خير
قولت كلامي وانا علي تكه واعيط دخلت اوضتي وقفلت الباب واول ما قفلته سندت عليه وانا بتنفس بسرعه ودموعي خانتني كالعاده ...
كنت بسأل ليه!
ليه كل ما احب حد أو اتعلق بيه يمشي وكأن الدنيا قاصده تعاند فيا وتقسي علي قلبي اللي مشافش في يوم راحه ..
روحت قعدت علي طرف السرير وانا بعيط بحرقه بحاول أكتم شهقاتي عشان محدش يسمعني ويقول إني ضعيفه ...
نمت في مكاني وصحيت تاني يوم الصبح لبست ومكنتش عارفه انا بلبس ايه علي ايه كان شكلي حزين كنت زي الورده الدبلانه ...
نزلت من البيت واول ما نزلت شاورت لتاكسي وانا طول الطريق بعيط ومش حاسه بنفسي ولا حاسه انه مغير الطريق
ل لو سمحت ا الطريق كده غلط
مانا عارف
ط طب لو سمحت نزلني علي جنب
لا مقدرش
هو ايه اللي مقدرش بقولك نزلني
اممممم طيب انتي شكلك هتصدعيني انا اسف بقي
قال جملته ورش بنج علي وشي وثواني محستش بنفسي وفقدت الوعي ...
عااااااااا
صوتت لما فوقت ولقيت نفسي في مكان واسع وفي اكتر من بنت واقفين قدامي ...
ا انا فين انتوا مين
اهدي ياريتال
ايه ده انتي تعرفيني !
يالا يابنات بسرعه عشان نجهز ريتال
تجهزوا ريتال ايه هو في ايه حد يفهمني !
نجهزك عشان فرحك ياجميل
فرحي انتوا عايزين تجننوني ولا ايه فرح مين لا اكيد انتوا خطفتوني غلط
قربت مني واحده وقالت بصوت مرعب بقولك ايه اخرسي ماشى
بلعت ريقي وبصتلها وانا بقول بنبره أشبه بالعياططب حضرتك انا مش فاهمه حاجه يعني أنا نزلت الصبح في أمان الله ركبت تاكسي لقيتني هنا !
دلوقتي هتفهمي كل حاجه يالا يابنات استعجلوا شويه عايزين نجهز العروسه ...
يادي المصېبه ياست انتي أن
بقولك ايه اسكتي وإلا
قالت جملتها وهي بتخرج من الدرج اللي قدامها وبتحطه في وشي
ا أنا اسفه والله خدي راحتك ياست الكل
كنت مړعوبه من جوايا وانا مش فاهمه اي حاجه قربوا مني البنات وبدأوا يجهزوني بدايه من شعري لحد رجلي وكل ما أسأل واحده فيهم علي اي حاجه تقولي معرفش !
بقولك ايه ياعسل انتي شكلك بنت حلال وطيبه ما تفهميني الله يخليكي هو اللي هيتجوزني ده مين
معرفش
وانا اللي يقول عليكي بنت حلال ده انتي بنت ولا بلاش خليني ساكته حسبي الله ونعم الوكيل فيكوا كشفت راسي ودعيت عليك يا عريس الغفلة انت ...
خلصوا كل حاجه وانا برضو مش فاهمه لحد ما الست الكبيره اللي كانت واقفه دخلت مكان وخرجت منه وهي ماسكه فستان ابيض ..
في الحقيقه كان شكله يخطف القلب والعقل للحظه سرحت في جماله كان كله استرس ضيق من الوسط ونازل بنفشه من تحت الكم بتاعه كان شفاف في الحقيقه مهما اوصف جماله مش هيكفي ....
قربت مني وساعدها البنات ولبسهوني كان مقاسي بالملي ...
وقفت اتفحص نفسي في المرايه كان شكلي زي الاميرات بالتاج اللي مخطوط فوق شعري والطرحه بتاعه الفستان والميك اب البسيط
لكنه لطيف في نفس الوقت ...
كان عاجبني شكلي اوي وبالرغم من خۏفي إلا أني كنت مبسوطه ومش فاهمه ايه سبب انبساطي !!
يالا العربيه اللي هتوصلك برا
هتتوصلني فين !
القاعه
طب العريس مين طيب ياستي ماهو مش كده انا مش فاهمه حاجه اعطيني اي نبذه عن الموضوع
اسفه ياريتال بس مټخافيش مش خاطفيك لما تشوفي العريس هتفرحي ..
ليه كان توم كروز ولا يكونش شاروخان عشان افرح تلاقيه تاجر اه زي ما بقولك كده ماهو دي مش طريقه للجواز ده اسمه جواز بالاجباااار وانا مش هسمح بكده ابداااا ااااه زي ما بقولك كده الغوا رحلتشي
يالا اخلصي العريس مستني
طب خلاص متزوقيش
خرجت من المكان لقيت عربيه سوداء متنزينه ورد كان شكلها لطيف اوي ...
ساعدوني البنات وركبت ورا وانا بقول بحسره
شاهد قبل الحذف عروسه من غير عريس
الف مبروك
بصيت للسواق وانا ببتسم ابتسامه صفراء بقولك ايه انت تعرف العريس
عز المعرفه
وساكت لييييه ما تقولي بسرعه هو مين !
للاسف مش هقدر
اوف اوووووف
متستعجليش ثواني وهتعرفي
مردتش عليه وبالفعل ثواني ووصلنا قدام القاعه ...
نزل وفتحلي العربيه وساعدني انزل ...
ممكن اعرف بقي فين المحروس !
طبعا هندخل وهتعرفي كل حاجه
نسأل الله الخلاص عشان الواحد خلاص ..
دخلت معاه كان في ممر طويل متزين بالورد كان شكله حلو اوي ...
خلص الممر ودخلت كان المكان ضلمه اوي ...
وقفت مكاني وانا ببلع ريقي پخوف ..
اتكلم حد في ودني بصوت مرعب بالمعني الحرفي خلي كل خليه في جسمي تتنفض
نورتي يا عروسه
انت مين
انا فين
قولت جملتي وانا بتلفت حوالين نفسي پخوف
اتكلم في ودني لكن المره ديه بنبره كلها حب تشبه نبره حد اعرفه لكن مقدرتش احدد هو مين يمكن خۏفي خلاني مقدرش احدد !
انا واحد بيحبك ياريتال
ا انا
فجأه المكان نور سمعت صوت ناس بتسقف بصيت قدامي پصدمه وانا شايفه تامر قدامي
تامر هو في ايه انا مش فاهمه حاجه !
انا اقولك فيه ايه
س سفيان
قرب مني وهو لابس بدله لونها اسود وببيون لونها اسود وعامل شعره سشوار كان شكله حلو اوي كنت واقفه أسأل نفسي هو ازاي ربنا حط الجمال ده كله في شخص واحد !
مسك ايدي الاتنين وهو بيبص في عيني بعيونه اللي أصبحت ا بتسحرني بتجذبني وكأنها مغناطيس
في اني بحبك ياريتال بحبك ومش قادر احب غيرك !
عيوني دمعت وانا ببصله وبقول بنبره كلها ۏجع
لو كنت سبتني انا كان هيجرالي حاجه الظاهر كده ان انا حبيتك ياسفيان معرفش أمتي وازاي بس شوفتك مختلف في كل حاجه سفيان أنا محتاجه وجودك جنبي في كل وقت ...
انا مش قابل
القمح مالوش هجر سنابل
وانا واعدك اني هاصون عهدك
وهلازم دارك وهاموت فيه
والأرض اللي انا فيها بلادك
والدرب اللي قصادك هامشيه
وان كانت أيامنا معانده
فافضلي على روح راجلك سانده
وكفاية خصام
السكة اللي بدونك ورطة
والضحكه بدونك تبقى حرام
والليل اللي مالوش صوتك ساكنه
يتحرم على قلبي مساكنه
والوطن اللي انتي بعيد عنه
تهجرني بيوته وأماكنه
تمت
