جميله رغم الصعوبات بقلم الكاتبه مجهوله

لسه موجود
عز اقنعته بالعافيه يجعد يوم كمان وبالليل نجضيه كلنا علي البحر إيه رأيك
فاطمة سرحت فيما حدث لها امس هي متأكدة أنا وراء هذا جمعه فشعرت بالخجل الشديد كيف استطاع أن يشرح له مثل هذا تمام ان شاء الله حتي أنا وعدت ابراهيم كام مرة أخرجه بس الظروف مسمحتش
ثم أكملت بفرحة صحيح نسيت أقولك ابراهيم اتكلم أخيرا
عز بفرحة تمام الحمد لله دا حيفرحوا جوي في البلد لما يعرفوا
فاطمة وصلنا أنا متشكرة أوي أنا عندي محاضرات انهاردا للمغرب
عز تمام حنبجوا علي اتصال لو بجيت مزنوج في الشغل حبعتلك السواج والحرس.
فاطمة وهي تنزل وتغلق الباب متشكرة أوي
ودخلت الجامعة مر اليوم بسلام اتصل بها عز
فاطمة معلش لسه مخلصناش أصل الدكتور اتاخر قدامي لسه حوالي ساعة 
وبعد انتها السيكشن اتصلت علي عز وأخبرها انه في الطريق فخرجت تنتظره وكأن الوقت متأخرا وبدأ المكان يفضي من حوليها جاء بعض الشباب وهم بسيارة إيه الحلو واقف لواحده ليه متيجي نوصلك.
تجاهلتهم فاطمة ومشت من امامهم فلحقوا بها وحاولوا جذبها للسيارة وهي تقاوم ولكن فجأه وجوا من يجذبها منهم ويحملها من وسطها بعيدا ثم يعود إليهم ويبرحهم الثلاثة ضړبا حتي أنهم لم يستطيعوا الهروب وحاول أحدهم أن يضربه بحديدة كانت بالسيارة واضح انهم بلطجيه فأخذها جرت عليه فاطمة أرجوك خلاص كدا 
نظر لها ثم ظل يكسر في السيارة وجذبها من يدها ومشي بعيدا عنهم وأوقف تاكسي وركبا.
سرحت كيف تركب معه التاكسي وهي لا تعرفه كيف لم تصرخ وهو ممسكا يدها ويدخلها السيارة وجدت نفسها تتذكر ابراهيم هل هي الآن فكرة هذا الشخص يحملها بين ذراعيه ومرة يمسك يدها ويدخلها معه سيارة أرادت أن تسأله من أنت ولكنها خشيت أن يسمعها سائق التاكسي ويظن بها السوء وجدت التاكسي توقف عند العمارة التي تسكن بها نزل وفتح لها الباب حاولت أن تنظر لعينيه ولكن تلك النظارة السوداء حجبتها عنها أرادت أنا تسأله من أنت ولكنه ركب التاكسي وانصرف وهي ما زالت واقفة تنظر حتي اختفي التاكسي
أتاها أحد الجاردز في حاجة يافندم
فاطمة لا مفيش حاجة هو عز ببه وصل.
الجارد لا لسه
دخلت عليهم سيارة عز نزل من السيارة معلش يا فاطمة العربيه عطلت في السكة وتليفوني فصل شحن معرفتش أكلمك. انت وصلتي ازاي.
فاطمة بتوتر جيت بتاكسي
عز الحمد لله عدت علي خير
اعطي مفتاح السياره للجارد ليركن السيارة وصعدا للأعلي قبل أن يفتح باب الاسانسير في دوره جهزي نفسك علطول حنتعشي بره.
فاطمة تمام
فتحت باب الاسانسير ودخلت شقتهم ولكنها مثل التائهة دخلت علي حجرتها مباشرة ارتمت علي السرير تستعيد ذكرياتها مع بطلها حاولت أن تنفض ذلك عن رأسها يا رب أعوذ بك من شړ نفسي
ودخلت الحمام تأخذ حماما جهزت للخروج ثم خرجت من الحجرة تبحث عن ابراهيم دخلت حجرة الأنتريه وجدته نائم أمام التلفاز اقتربت منه ابراهيم ابراهيم
جلس ناعسا فاطمة جيتي مېته استنيتك كتير.
فاطمة معلش اتأخرت عليك يالا قوم عشان تغير هدومك ونتعشا برا مع اخوك وعز.
هلل كالأطفال نهض معها لتساعده في تغيير ملابسه
علي البحر حجز عز منطقة كبيرة علي الشاطئ وقضوا وقت ممتع جاءه تليفون أيوه يا رشاد لا الموضوع منتهي
وقف وقام بعيدا لو انا مراعتش الصداقة كنت فضيت الشركة خالص متوصلش للأعراض متزعلش مني ربي أختك وبعدين كلمني وصدجني لو حصل العكس كنت حخدلها حجها من فاطمة أنا ميرضنيش الظلم دا يرجع لصاحبة الشأن لو هي جالت مسامحة خلاص احنا دلوك علي شاطئ المعمورة تنورنا يا سيدي لا الحجة مجمها كبير تنورنا سلام.
عند فاطمة وهي تجلس بجوار نيفين تعرفي نفسي في إيه دلوأتي.
نيفين إيه
فاطمة آيس كريم فانيليا تيجي نروح و نعزمهم كلهم.
نيفين وحياتك حيضحكوا علينا و يقولوا علينا عيال.
فاطمة وهي تقف و تسحبها عيال عيال بس نعيش ومشيا معا
جمعه وين رايحين.
ضحكت نيفين اتفضلي ردي.
فاطمة نيفين نفسها في الآيس كريم
برقت نيفين أنا برده.
ضحك عليهما جمعه شكلها حتعيل طب معيلة بمعيلة أنا جاي معاكم.
ابراهيم و أنا كمان.
حضر عز خير مالكم.
فاطمة بسرعة دا جمعه عاوز آيس كريم.
انفجروا جميعا ضحك عليها.
عز خلاص حجول لواحد من الحرس يجيب آيس كريم عشان جمعه بس
فاطمة بتمثيل الزعل يرضيك نتفرج عليه ويغيظنا.
قضوا وقت جميل بين ضحك وهزار إلي أن أتي رشاد وأمه وأخته سلموا وجلسوا ولكن فاطمة تجاهلت فاتن تماما ولم تسلم عليها.
أم رشاد ازيك يا دكتورة كان نفسي اتعرف عليكي من زمان
فاطمة بابتسامة تسلمي يا طنط دا زوقك.
رشاد احنا جايين انهاردا عشان نعتذرلك وأي مراضية ليكي احنا تحت أمرك.
أم رشاد والله انا ياما وبختها هي كدا دايما متسرعة ودا يخليها تغلط كتير.
فاطمة بجدية سوري يا طنط دا مش تسرع لما تغلط في جوزي وفيا بالشكل دا يبقي مش مجرد تسرع تسرع دي لو غلط فيها فهي فتسرعت بالرد أنا لحد دلوأتي كل ما افتكر كلامها ادور لها علي سبب أو عذر مش لاقيه.
خبط رشاد فاتن في قدما كي تتحدث تحدثت مرغمة حقك عليه شوفي اراضيكي إزاي وانا علي استعداد.
وقفت فاطمة وأمسكت بيد ابراهيم أنا عشان مشيلش ذنب الخصام لان لو اثنين مسلمين تخاصموا لأكثر من ثلاثة أيام لا يرفع عملهم فاعتبري محصلش حاجة لكن تعامل بينا كزملا خلاص انتهي وبعتذر لحضرتك يا طنط لو حضرتك عرفتي بالضبط اللي قالته الدكتوره أكيد حتعذريني 
ثم نظرت لعز وارجو حضرتك أن اللي حصل دا كان بيني وبنها وميأثرش علي شغلكم مع بعض ودلواتي استأذن منكم حتمشي شوية انا وابراهيم جوزي اللي بفتخر بيه قدام الناس كلها وميهمنيش تلقيح اي ما كان
وانصرفت وهي ممسكة بيد ابراهيم .
عز بعتذرلك يا أم رشاد لكن هي معذورة.
نظرت أم رشاد لابنتها احنا اللي بنعتذر يبني.
فاتن و كان الكلام لا يعنيها هو دا ابراهيم جوز فاطمة ما هو كويس اهو أمال ع
قاطعها رشاد بقلة حيلة يالله بينا نروح البت دي حتنقطني.
جمعه لا والله ما تحصل نتعشوا سوا.
ثاني يوم بالجامعة أثناء محاضرة رياض وكانت فاطمة تدون خلفه وتركز مع المحاضرة بينما فاتن تراقب رياض ان كان ينظر لفاطمة كما السابق أم لا وسعدت كثيرا عندما وجدته يتجاهل النظر إليها انتهت المحاضرة اجتمعت البنات صديقات فاطمة حولها يتسامرن ولكن فاطمة كانت مشغوله بشيئ ما
إحدي الفتيات اللي واخد عقلك يا جميل.
ابتسمت فاطمة اممم حاجات آد كدا الواحد مش عارف يفكر في إيه و لا إيه.
جاءها اتصال من خالتها هند.
فاطمة عن اذنكم حكلم خالتي بره عشان الصوت. وخرجت
فاطمة السلام عليكم ازيك يا خالتي أخبارك إيه مني كلمتك علي اللي قولتهولها امبارح تمام هو مختار أصغر واحد في اخواته واخوه جمعه كلمني امبارح انه عاوز يتقدم لمني. صراحة شاب كويس جدا وعيلة محترمة لا الوحيد اللي كان سيئ راح بأه منه للي خلقه أنا قلتلها جميع التفاصيل خدوا وقتكم وردوا عليه أبلغهم أنا في الكلية تمام تسلميلي مع السلامة
وأغلقت معها ثم فكرت قليلا وذهبت لمكتب رياض الذي كان مندمجا في عمله علي المكتب خبطت الباب رفع رأسه فوجئ بها اتفضلي
دخلت فاطمة كنت عاوزة استفسر من حضرتك في حاجة بس بعيد عن المنهج.
رياض اتفضلي اقعدي
جلست وتحدثت باعتبار حضرتك تخصص مخ واعصاب لو في واحد متأخر عقليا ممكن يتعالج تماما
رياض عنده كام سنة
فاطمة ٣٢
رياض كبير يعني خلاص استجابنه بقت صعبة.
فاطمة بالعكس أنا لما بعلمه حاجة بيتعلم بسرعة ويعملها حتي السلوكيات نفسها بتتغير.
رياض بتفكير طيب ممكن تحكيلي عنه اكتر ازاي متأخر في إيه بالضبط طريقة اكله كل شيئ.
ظلت تحكي له فاطمة عن أشياء مختلفة.
رياض بتفكير مش عارف في حاجة غلط هو متابع مع أي دكتور.
فاطمة بعد الحاډثة اللي حصلتله بيتابع مع دكتور نفسي بس كل أسبوعين مرة هما قالوا حالته كويسه والنطق دا حيرجع مع الوقت والحمد لله هو رجعله النطق.
رياض ممكن أشوفه.
فاطمة ازاي.
رياض يجيني المستشفي خدي دا العنوان أنا موجود انهاردا من الساعة ٥.
ابتسمت فاطمة جزيل الشكر لحضرتك واستاذنت.
رياض أنا بحاول أبعد ألاقيها جيالي. ثم عاد لعمله.
انتهي اليوم الدراسي وخرجت فاطمة من الجامعة وجدت عز ينتظرها ركبت
معه بعد السلام وقاد هو.
فاطمة جمعه روح.
عز ايوه مشي علي الساعة ١٠.
فاطمة أنا كلمت دكتور عندنا في الجامعة علي حالة ابراهيم انهاردا في الأول قال ان صعب يتعالج عشان اللي بتولد متأخر ويكبر كتير بيبقي صعب يتعالج بس لما
قاطعها عز ومين قالك إنه مولود متأخر.
فاطمة پصدمة هو ابراهيم مش كدا من وهو صغير.
عز لا دا مكنش حد فعجله.
فاطمة استني هنا واحكيلي طب حنروح كافيه و احكيلك.
في الكافيه جلست فاطمة وهي متلهفة لسماع التفاصيل أرجوك احكي بأه أنا حيحصلي حاجة.
عز أنا وابراهيم تقريبا سن واحد كنا ولاد عم واخوات واصحاب بعد الثانوي قدمنا احنا الاتنين كلية شرطة وجبلنا
وكنا ناجحين جدا سنة اتنين وفي السنة التالتة كنا جايين اجازة العيد الكبير بعد ما خلصنا اجازة واليوم دا مفروض نمشي اختفي ابراهيم دورت عليه
في كل حته ممكن يروحها مفيش فايدة روحت الموقع اللي كنا بندرب فيه أملا أنه يكون سبجني علي هناك برده ملجتهوش استاذنت من القادة عشان اختفاءه عشان ادور عليه كانوا زعلانين جدا وتابعوا الموضوع بنفسهم عدي أسبوع وبعدين جاتنا إشارة إن في شخص في المستشفى بنفس المواصفات غير معلوم الهوية جرينا كلنا علي المستشفى لجيناه نايم ورأسه متخيطة حد خبطه جامد علي راسه لما فاق جعد يبكي زي العيال الصغيرين عاوز امه وبعدها لجيناه بيتصرف كيف عيل عنده ٥ سنين كلنا انهرنا وتخيلي اكتر واحد كان مڼهار وحزين عليه كان علاء وهو اكتر واحد كان يخدمه ويوديه للدكتور بنفسه ويتابع علاجه ويجيبله كل اللي نفسه فيه وفمرة لسه متذكرها لحد دلوك رجع علاء ومعاه ابراهيم وجعد يبكي بحسرة ويجول آن الدكتور جال ان ابراهيم حيفضل كدا وملوش علاج وميأسش علاء وخده لأكثر من دكتور من غير فايدة أنا كنت مشغول بسبب كليتي لأنها مينفعش فيها غياب وكمان اطمنت ان معاه علاء بيتابع معاه لكن لما عرفت إن مفيش امل في علاجه مجدرتش أكمل في الكليه من غيره وحولت معهد إدارة أعمال بس مع الوجت علاء اتغير مع ابراهيم وبجا يعامله بطريجة وحشة وكنت بجفله علطول.
فاطمة طب الدكاتره شخصوا حالته إيه.
عز أول دكتور شخصوا جال إن اللي هو فيه دا مش من الخبطة ولكنه اتعرض لصدمة نفسية خلتوا يرجع للخلف هروبا من الواقع.
فاطمة ومكملتوش مع الدكتور دا ليه علاء اللي كان بيوديه و يجيبه.
فاطمة نظرت لتليفونها الساعة ٤ يالله عشان ألحق أعرضه علي الدكتور.
عز وهو يضع الحساب خاېف ميبجاش