الجمال جمال الروح

جت اخدت صاحب الشركه ياسين مهران وطبعا الا كان في الشركه هو يوسف مش ياسين ووقفت وانا ببكي ومش عارفه اعمل ايه بس لأ دا مش وقت البكاء انا لازم اتصرف اعمل اي حاجه عشان اظهر براءة جوزي حتى لو اضطريت اكشف ان هما توأم وان الا مقبوض عليه دا يوسف وان المچرم الحقيقي هو ياسين...
وروحت علي شقة ياسين وكنت ببكي وحسه اني هقتله دلوقتي وفتحتلي البنت الا معاه وانا دفعتها پغضب ودخلت وانا بسأل عليه پجنون ولقيته خارج وبيتكلم بسخريه وقال اهلا بمرات اخويا الغالي انتي رجلك خدت علي هنا ولا ايه ..قربت منه پغضب وقولتله انت مستحيل تكون بنأدم انت ازاي تعمل كدا في اخوك و في بنت عمي انت كنت هتموتها ربنا ينتقم منك ..بصلي بسخريه وقالي يعني انتي هنا دلوقتي عشان مين فيهم ..قولتله انا هنا دلوقتي عشان انت مچرم ولازم تتعاقب علي جرايمك دي ومش مصدقه انت ازاي يجيلك قلب تعمل كدا في اخوك وتلبسه چريمه زي دي .. رد بسخريه وقالي دا مش اخويا دا واحد غبي وكنت عارف انه لما يعرف ان انا رجعت اكيد كان هيسجني بعد ما سلم للشرطه كل الا كان في المخازن وخسرني ملاين ..رديت عليه قولتله يوسف عمره ماكان غبي يوسف بيحبك وعمره ما فكر في اذيتك ولما عرف ان انت رجعت زي ما بتقول كان حزين عشانك وكان بيفكر في كل الحزن الا انت عشته في حياتك وكان بيقولي ان انت روحه ونصه التاني وحته منه وماكنش يعرف ان انت بالقسۏة والشړ دا ويوصل بيك الشړ ان انت تعمل في اخوك كدا اخوك الا انقذ حياتك وكان مستعد يضحي بعمره كله عشانك .
بصلي بطريقه غريبه وحسيت ان قلبه اتهز لأخوه وكان بيبصلي ومش عارف يرد
قولتله وانا ببكي طبعا مش لاقي كلام تقوله يبرر الا انت عملته في اخوك دا بس انا عايزاك تعرف ان يوسف دا حته منك وانه اقرب مخلوق ليك علي وجه الارض وزي ما يوسف بيقول انتوا اتخلقتوا مع بعض وجيتوا الدنيا مع بعض يعني روحكم واحده لكن انت عمرك ما هتكون روح يوسف لان روحه انضف واطهر منك مليون مرة .. خلصت كلامي وانا حسه ان قلبي بيتقطع علي حبيبي الا معرفش هو فين دلوقتي وخرجت من شقته ونزلت الشارع وانا ماشيه وببكي ومش عارفه اعمل ايه وعايزه اطمن علي يوسف وفجأه لقيت منديل اتحط علي وشي وكان فيه مخدر وماشوفتش مين الا حطه وكل الا انا فكراه ان حسيت كل جسمي اتجمد وفقدة الوعي...
ورواية الجمال جمال الروح بقلمي ملك إبراهيم. 
فتحت عيني بتعب وبحاول اتحرك او ارفع ايدي بس في حاجه بتمنعني وبدأ يرجعلي الوعي اكتر وبصيت حواليا ولقيت نفسي في مكان غريب اوي مكان كأنه مخزن او حاجه زي كدا ولقيت نفسي مربطه من ايدي ورجلي و حواليا رجال شكلهم مرعب اوي وحاملين وشكلهم مجرمين وقرب واحد منهم وقالي اخيرا فوقتي دا الباشا كان قلقان عليكي اوي ..بصتله پخوف وقولتله انتوا مين وخاطفيني ليه .. رد بقوة وقالي الباشا بنفسه هو الا هيجاوبك .. وكلم واحد من الا معاه وقاله بلغ الباشا انها فاقت .. وبصلي من فوق لتحت بطريقه مش كويسه وقالي يا خسارتك في المۏت يا جمييل .....خۏفت منه ومن شكله ومن طريقته دي وضميت نفسي وانا ببصله بړعب وفي
اقل من دقيقتين لقيته بيقول اتفضل يا باشا .. ودخل واحد شكله غريب وتقريبا من عمر يوسف وكانت دي اول مرة اشوفوه وقرب مني وهو بيبتسم بسماجه وقالي اهلا بمرات البوص الكبير بصتله پخوف وانا مش فاهمه هو عايز ايه وبيتكلم عن مين وقرب مني وحط ايده علي خدي وانا بعدت وشي عنه پعنف وقولتله پغضب ماتقربش مني يا حيوان ..ضحك بطريقه مخيفه وقالي لا عرف يختار صح ياسين مهران طول عمره بيقع واقف ..بصتله پغضب وقولتله انت عايز مني ايه وليه خاطفني هنا .. رد بسخريه وقالي عايز اشوف الباشا جوزك بيحبك اد ايه اصل انتي ماتعرفيش ان جوزك دا طول عمره ملهوش غالي ولا عزيز وعايز اشوف بقى عنده ولا لسه قلبه حجر زي ما هو ..بصتله وقولتله مش فاهمه انت تقصد ايه ..اتحول وشه للڠضب الشديد وقالي انا كنت شريك الباشا جوزك وغدر بيا عشان يبقى هو الكل في الكل وانا حاولت اقتله وضړبت بإيدي في قلبه وشوفتها وهي بتدخل جوا قلبه وقولت خلاص ماټ وهنرتاح منه بس طلع زي القطط بسبع ترواح ومش بس عاش دا كمان رجع اقوى من الاول لأ واتجوز كمان بالحلال وصفى شغله المشپوه وسلم الا انا شريك فيه للشرطه وخسرني كل فلوسي وبقي بيشتغل في السليم شكل المۏت الا انا بعته ليه فوقه وخلاه بنأدم بس المفروض كان كمان يرجع الحق لأصحابه ولا ايه .. بصتله وبدأت افهم انه بيتكلم عن ياسين وقولتله انا مليش دعوه بكل الا انت بتقوله دا وياسين مايبق..... قاطعني وقالي ملكيش دعوه ازاي يا مرات الغالي دا انتي دفتر شيكات الباشا ..ومسك تليفونه وعمل مكالمه ولقيته مشغل المايك واتكلم وقال ياسين باشا وحشتيني يا كبير .. رد عليه ياسين بسخريه وقاله بس انت موحشتنيش يا صغير .. رد عليه دا وقاله طول عمرك شايفني صغير بس احب اقولك ان الصغير كبر وبقى عنده الا هتوحشك افتح الكاميرا يا باشا وشوف المفاجأه دي .. وفتح ياسين الكاميرا وشافني وانا متربطه قدامه والغريب ان ياسين اټجنن لما شافني متربطه قدامه بالمنظر دا ......بقلمي ملك إبراهيم.
... يتبع
ياسين اټجنن لما شافها ليه يا ترى منتظره رأيكم في الكومنتات الصفحة فيها تقيد ممكن تتفاعلوا علي البارت بتعليقات كتير