بقلم سولييه نصار

في الفخ.... هناخد حقنا كويس من غير ما ندين نفسنا خالص. 
بصلي بحيرة وقال 
ازاي! 
ابتسمت بخبث وقولت 
هفهمك كل حاجة دلوقتي. 
وبعدين قعدت اشرحله الخطة وقعد هو يسمعني بإهتمام... 
خلصت كلامي وقولت بفخر 
ايه رأيك في الخطة
احنا هنعمل كده فيهم!! 
ايه صعبانين عليك 
لا طبعا بس صعب يحصل كده. 
مش صعب ولا حاجة والدليل أهو. 
وريتله سكرين شوت بالرسايل بينهم. 
وشه أحمر من الڠضب وقال 
كويس إني مخلفتش منها عشان لما ارميها بالشكل ده مفيش حاجة تربطني بيها... خلينا نبدأ في الخطة. 
ابتسمت. 
...... 
كنا واقفين أنا وفهد من بعيد واحنا شايفين إسراء بتدخل البيت....كانت كل حاجة ماشية تمام..... اتصلت بالبوليس وعشر دقايق بالضبط كانوا وصلوا.... طلعت أنا الأول وفتحت الباب بعدين دخلت أوضة النوم ولقيتهم سوا علي سريري.... لسه مراد هيتكلم البوليس دخل ولمهم الاتنين زي الكلاب. 
ابتسمت بإنتصار وأنا شايف البوليس وهو بيجرهم وهما منهارين ومكسوفين.... كانت فضيحتهم كبيرة.... كل الناس ابتدت تتكلم علي الراجل اللي خان مراته مع بنت خالته المتجوزة وعلي سريرهم... ساعتها افتكرت خطتي واللي مشيت زي ما أنا حابه. 
فلاش باك.... 
بعد ما مسحت دموعي فتحت الرسايل وبدأت اشوفها كويس وكانت أكبر صدمة في حياتي لما عرفت أن علاقتهم كانت اكبر من مجرد تليفونات ورسايل.... البيه كان بيجيبها هنا لما مبكونش موجودة.... حتي اتفق معاها تجيله بكرة بعد ما أنا أمشي... كنت مڼهارة... عقلي واقف تماما... لحد ما خطرت في بالي فكرة... فكرة شريرة بس يستاهل... العين بالعين والسن بالسن والبادي اظلم... هو اللي ابتدي الخېانة يبقي لازم يستحمل اللي هيحصله مني... أخدت نمرة جوز إسراء من تليفونه واستنيت تاني يوم.. 
...... 
تاني يوم اترجيت مراد أنه يصبر عليا أسبوع وبعدين نطلق وهو بعد مناهدة وافق وطلعت و
اتصلت بفهد وطلبت اقابله ضروري وقولتله علي كل حاجة 
انتي كدابة... بطلي افترا 
قالها فهد وهو متعصب عشان كده من غير كلام كتير وريتله جزء من الرسايل... ساعتها اټصدم وكان عايز ېقتلها بس أنا منعته وقولتله علي خطتي.... واللي هي كانت 
احنا هنلبسهم قضية ژنا 
بتقولي ايه! 
هزيت كتفي وكملت
هنرفع عليهم قضية ژنا بالرسايل اللي معانا 
الرسايل مش كفاية. 
عارفة بس لو إسراء راحت لمراد البيت واتمسكت متلبسة ساعتها هيلبسوا فعلا... ساعتها نرفع قضية ژنا وننفخهم الخاينين دوول 
احنا هنعمل كده فيهم!! 
ايه صعبانين عليك! 
لا بس صعب يحصل كده يعني ممكن تكون علاقتهم موصلتش لكده. 
ابتسمت بتريقة وورتله باقية الرسايل وقولت وعيوني مدمعة 
لا وصلت يا استاذ فهد الاتنين كانوا مغفلينا وبيجيبها بيتي وعلي سريري! 
ساعتها فهد قرر يساعدني اتصل بمراته وقال هيتأخر في الشغل وبكدة فرصة ليها أنها تروح لمراد بيتي.... اتصلت بالشرطة وحكيتلهم شكوكي وقدرنا نمسكهم متلبسين. 
....... 
في مكتب الضابط. 
كنت مبتسمة بإنتصار ومراد بيبكي ويقول 
ابوس ايديكي يا أبرار قوليلهم أننا كنا هنتطلق
أنا كده هروح في داهية . 
ضحكت بتريقة وقولت
ليه هو انت متعرفش يا بيبي! 
اعرف ايه! 
أنا اللي بلغت عنك
أنت وهباب البرك اللي اسمها اسراء. 
ايه ازاي 
ابتسمت وقولت 
أصل أنا يا غالي قريت رسايلك أنت والسنيورة وعرفت أنك بتجيبها البيت عندي فقلت لازم اوثق اللحظة التاريخية دي فقررت أجيب الشرطة يلموكم... 
انتي يا أبرار تعملي كده! 
البادي أظلم يا بيبي... أنت اللي خونت... بالمناسبة أنا وفهد رفعنا دعوي ژنا وهنطالب بتعويض كبير اووي. 
أبرار. 
قومت وكنت همشي بس وقفت وطلعت تحاليل من شنطتي وقولت وعينيا مدمعة 
بالمناسبة يا مراد أنت اللي عقيم مبتخلفش مش أنا بس خبيت عليك عشان متزعلش... وطلعت غلطانة أن راعيت مشاعرك في الوقت اللي انت دوست علي قلبي فيه 
وبعدين سيبته ومشيت. 
بالرسايل اللي قدمتها... غير أنهم اتمسكوا متلبسين في بيتي أنا ومراد قدرت اكسب قضية الژنا أنا وفهد واخدنا تعويض كبير من مراد واسراء وهما اتحبسوا مراد ست شهور واسراء تلات سنين.. أما أنا قدرت أطلق من مراد وفهد طلق إسراء واتفضحوا في العيلة كلها ومحدش فكر يساعدهم والكل اتخلي عنهم... أما أنا فرجعت شغلي وبدأت اثبت نفسي فيه 
بعد سنة 
كنت في الكافية بشرب القهوة بتاعتي لما سمعت صوته 
تسمحيلي أشرب قهوة معاكي. 
كشرت في وشه وأنا بقول 
اتأخرت يا استاذ عليا... مفروض كنا نروح المعرض عشان نختار أوضة النوم من ساعة. 
أبتسم فهد وقال
أسف يا حبيبتي بس بنت خالتي جات من البلد فقعدت معاها شوية. 
بصتله پغضب وقولت 
نعم يا أخويا... مين فين طلعتلي بنت خالتك دي كمان... ايه يا فهد ما تتعدل ولا حابب تحصل مراد. 
ضحك وقال 
بعد الشړ عليا.... أنا مفروض اتعلم من غلطة مراد ومزعلكيش ابدا. 
أيوة اتعلم بقا عشان خلقي يدوبك.... ولا حابب تهرب من دلوقتي قبل ما نتجوز اتفضل. 
هز رأسه وبصلي بحب وقال
بعد ما طلقت اسراء حاولت أهرب كتير... بس بلقي نفسي بفكر فيكي اكتر... انتي عملتي فيا ايه. 
ده سحري يا فهد. 
وأنا بحب سحرك ده... بحب روحك.. وقوتك... بحب أنك بتتمسكي بكرامتك دايما... بحبك كلك علي بعضك 
وأنا بحبك كلك علي بعضك جمالك اللي جوا واللي برا... وبحب الظروف الصعبة اللي جمعتنا حتي لو كانت ظروف مؤلمة ليا بس ربنا بعتك تطيب چروحي... شكرا يا فهد أنك اديتني الحب اللي أنا استحقه وأنا اوعدك إني اديك الحب اللي انت تستحقه
وبس اتجوزنا أنا وفهد وكان أكتر حاجة صح عملتها في حياتي فهد قدملي الاحترام قبل الحب... حافظ علي كرامتي قبل قلبي... وبعد ست شهور بس من جوازنا اكتشفت اني حامل... سبحان الله في الوقت اللي افتكرت إني خسړت كل حاجة... ربنا اداني كل حاجة بحلم بيها واكتر... اخد مني زوج خاېن وكداب واداني زوج حنين وبيحبني... ابن معافي واسرة. سعيدة.... كل حاجة
بتحصل لسبب سعيد... أو فرحة ناوية تيجي قريب 
تمت