يارا وادهم

هاي
يارا_ أهلا
شاهي_ انتي بتعملي ايه هنا هو انتي عضوة معانا في النادي كمان 
يارا_ الصراحة ..آآ.. لأ
رزان_ مش تعرفينا يا شاهي
شاهي_ دي ..دي سارة قريبة أدهم الصياد
يارا_ اسمي يارا مش سارة
رزان_ هاي
يارا_ أهلا
رزان وهي تنظر لندى _ مش دي ندى اللي واقفة هناك
شاهي_ فين يا رووزا 
رزان وهي تشير برأسها لداخل الكافيتريا_ هناك أهي
شاهي_ اه هي تصدقي !
رزان_ طب ما تشاوريلها تيجي تقعد معانا
شاهي_ والله المفروض يارا هي اللي تعزمها احنا ضيوف عليها
رزان_ اووه بليز يارا شاوريلها خليها تيجي تقعد معانا
أشارت يارا بيدها لندى لكي تأتي وتجلس معهن بينما كانت ندى في داخل الكافتريا تتحدث مع مسئول الكاشير و...
يارا مستسلمة _ اوك
ندى_ ها شوفتها
الكاشير_ تمام يا هانم
ندى_ خلاص هاتلنا الطلبات على هناك وشيك الحساب
الكاشير_ حاضر يا فندم
خرجت ندى من الكافيرتيا وتوجهت ناحية الطاولة التي تجلس عليها الفتيات و...
ندى_ هاي عليكوا
شاهي وهي تقبلها _ هاي نودة ازيك
ندى_ تمام هاي روووزا
رزان وهي تقبلها_ fine
ندى وهي تشير ليارا_ مين دي اللي كانت بتشاورلي
ندى باشمئزاز _ مش معقول دي قريبة أدهم الصياد لأ يا شاهي قولي كلام غير ده
شاهي_ دي يارا قريبة أدهم
يارا بدهشة_ لا حول ولا قوة إلا بالله
شاهي_ أنا برضوه كنت مستغربة لما شوفت شكلها
رزان_ عادي يا شوشو خلقة ربنا بقى المهم انتي اخبارك ايه
ندى_ تمام
شاهي_ خدوا راحتكوا يا بنات محدش هنا غريب
يارا متدخلة في الحوار_ بس مش تعرفوني انتو مين 
شاهي_ دول بقى أصحاب أدهم الانتيم رزان وندى
يارا_ أها
رزان_ بس احنا مشوفنكيش قبل كده انتي كنتي عايشة فين 
يارا_ في الغردقة
ندى_ واو ده مكان تحفة
رزان_ أكيد في الفيلا بتاعتكم هناك صح 
يارا_ لأ في بيت عادي
رزان مدعية الدهشة _ بيت صغير !!!!
شاهي_ أصلها فقيرة
يارا_ أولا الفقر مش عيب وبعدين مين قالك إن أنا ف...
ندى مقاطعة _ مامتك بقى بتشتغل ايه 
يارا_ ماما وبابا اتوفوا في حاډثة وأنا صغيرة
رزان_ اوووه يا حرام
شاهي مضيفة_ بس جدتها الشغالة هي اللي ربتها
ندى_ ياااي هي جدتك كانت شغالة !!!
ندى_ لأ بس آآآ...
رزان_ مش معقول يعني انتي تربية شغالين !!! so strange
يارا_ أه كانت شغالة هو الشغل عيب لا سمح الله
شاهي مقاطعة_ احنا هنفضل نتكلم كده ومش هنطلب حاجة ناكلها ولا نشربها
ندى_ لأ بس آآآ...
ندى_ اه صح
رزان_ خلاص أنا هعزمكم
شاهي_ لالالالا وهو يصح حد يعزمنا وقريبة الصياد موجودة ده حتى وحشة في حق أدهم
ندى_ صح أدهم طول عمره بيقول ان عيلة الصياد مش بتخلي حد يدفعلهم
يارا_ بس أنا..أنا مش ...مش عاوزة حاجة ومش هدفع لحد
ندى بصوت مرتفع _ أنا خلاص already طلبتلنا أكل وعصير وقولت لل waiter انك انتي اللي هتحاسبي
يارا_ ازاي تعملي كده أنا مش هدفع حاجة لحد
رزان_ اووبس يا شاهي يمكن هي مكسوفة مننا عشان مش تعرفنا
شاهي_ مكسوفة ايه بس ده نظام عيلة الصياد واحنا متعودين ع كده 
شاهي_ اديه للآنسة
النادل_ اتفضلوا يا هوانم الطلبات وده شيك الحساب
يارا _ بس أنا مطلبتش حاجة
شاهي_ يالا يا بنات تعالوا ناكل هناك
رزان_ اوك
ندى_ يالا
انصرفت شاهي مع ندى ورزان وعلى وجههن ابتسامة شيطانية بينما طالب النادل يارا بحساب الطلبات
النادل_ الحساب يا آنسة !
يارا_ بس أنا مطلبتش حاجة
النادل_ حضرتك الكلام ده ماينفعش الآنسة ندى بلغتنا انك اللي هتدفعي الحساب
يارا_ بس أنا مقولتلكش بنفسي كده
النادل_ بس حضرتك شاوريتلنا
يارا_ وهو أنا عشان شاروتلك يبقى بقولك اني هدفع ايه النظام الغريب ده !!
يارا_ ادفع حاجة مطلبتهاش
النادل_ يا هانم أنا ماليش في الكلام ده كله حضرتك
المفروض تدفعي
النادل_ يعني ده أخر كلام عندك يا هانم 
يارا_ أيوه !! أنا مش دافعة مليم واحد
النادل_ طب اتفضلي معايا عند الأمن
يارا_ ماشي هتفضل
بالفعل أخذ النادل يارا إلى مدير أمن النادي ليتم التعامل معها نظر إليها عماد بنظرات قرف خاصة أن مظهرها وهيئتها العامة لا توحي بأنها أحد أعضاء النادي و...
عماد _ في ايه يا محمد
النادل محمد_ يا فندم الاستاذة طلبت أكل وآآآ...
يارا مقاطعة _ أنا مطلبتش حاجة
عماد بزعيق _ انتي تسكتي خالص لحد ما آئذنلك بالكلام كمل يا محمد
النادل محمد _ هي طلبت الأكل ومرضتش تحاسب ع الطلبات وبتقول أنا مخدتش حاجة
يارا_ ايوه ده اللي حصل
عماد_ فين الكارنيه بتاعك 
يارا_ كارنيه ايه 
عماد_ كارنيه العضوية بتاع النادي
يارا_ انا معييش كارنيه
عماد _ أفندم معكييش كارنيه !! أومال ډخلتي ازاي
يارا_ أنا دخلت مع ..مع
وفجأة دخلت المكتب فريدة الرفاعي وأخذت تصرخ في يارا و...
فريدة_ انتي هنا يا حرامية يا ڼصابة
يارا_ اييييه
عماد_ في ايه يا فريدة هانم البت دي عملتلك حاجة 
فريدة_ أيوه البت دي سرقتني