يارا وادهم
كان بس بيعيط عشان مفتقدك وأنا بس خففت عنه
شيرين دي كبيرة عندي
يارا ربنا يخليكي
شيرين بس انتي شاطرة أوي مع الأطفال
يارا انا كنت بشتغل مع الأطفال في الغردقة
شيرين بجد
يارا أيوه أنا كنت مدربة آيروبيكس للأطفال هناك
شيرين والله
يارا مكملة اه بس سبته لما اتنقلت للعيش هنا
شيرين وقد أخذت تفكر في أمرا ما ممممم
يارا انا مش هعطلك وسعيدة اني اتعرفت بحضرتك وبمالك
يارا ايه
شيرين زي ما سمعتيني ايه رأيك تشتغلي هنا
يارا بس آآآ
شيرين بصوت مرتفع كابتن سليم كابتن سليم
كابتن سليم ايوه
شيرين ايه رأيك لو خلينا الاستاذة يارا تشتغل في الجيم هنا
كابتن سليم حضرتك خريجة تربية رياضية يا استاذة
يارا لأ أنا معهد سياحة وفنادق بالغردقة
كابتن سليم بس ماينفعش يا مدام شيرين حد مش خريج تربية رياضية يشتغل هنا في الجيم
كابتن سليم دي قوانين النادي
شيرين أها .. طب مافيش أي exception استثناء
كابتن سليم صعب والله
يارا مافيش مشكلة أنا أصلا كنت بلعب مع الأطفال
شيرين طب أنا عندي اقتراح وأعتقد ان كل ال ماميز mommies هتوافق عليه
كابتن سليم ايه هو
شيرين انت عارف يا كابتن ان الأمهات لما بتيجي الجيم هنا بتبقى محتارة تودي ال babies بتوعها فين فأنا بقترح يعني ان يارا تدربهم زي ما احنا بندرب بس في ال store الفاضي اللي جمبنا
شيرين يعني هي هتاخد بالها منهم وفي نفس الوقت هتدربهم واحنا كمان مش هنشيل هم هما فين أو نوديهم فين وهتبقى حاجة غير رسمية ها ايه رأيك يا كابتن
كابتن سليم هي فكرة مش وحشة
شيرين واحنا ال store بتاع الأجهزة القديمة دي هنوضبه ع حسابنا ويكون جاهز
كابتن سليم أنا معنديش مانع لو العضوات وافقوا ع ده
كابتن سليم طيب أنا عاوز ال cv بتاعك يعني بياناتك وكده عشان نتأكد منك معلش ده اجراء روتيني بيتعمل
يارا اها .. حاضر
شيرين تصدقي لحد دلوقتي معرفتش اسمك بالكامل
يارا أنا يارا رفعت الصياد
كابتن سليم انتي تقريبي حاجة للمهندس رأفت الصياد أو الكابتن أدهم
يارا أيوه هو عمي وأدهم ابن عمي
شيرين بجد طب ده احنا أول مرة نشوفك في النادي
يارا ما أنا قولت لحضرتك أنا كنت عايشة في الغردقة
شيرين بيتهيألي كده يا كابتن انت مش محتاج موافقة أصلا من العضوات دي من عيلة الصياد وبنت عم ادهم
كابتن سليم لالالالا موافقة ايه بس الجيم كله تحت أمرها
يارا بس آآآ
شيرين من غير بس ولا حاجة احنا هنستناكي من بكرة تيجي
يارا طب هاروح اخد رأي عمي الأول وكده واجي أبلغكم ..
شيرين اه طبعا وانا واثقة انه هيوافق .. ولا أقولك على حاجة أنا هاروح أكلمه بنفسي
كابتن سليم انا جاي معاكي يا مدام شيرين
شيرين افرح يا مالوووك يارا هتبقى الكوتش بتاعك في النادي
مالك بفرحة هييييييه
لم تتوقع يارا أن يتم عرض وظيفة عمل عليها خاصة بعد أيام قليلة فقط من اقامتها في القاهرة .. ولكنها شعرت الآن أنها ستعاود ممارسة ما تحب في وقت فقدت فيه من أحبت ...
ذهبت شيرين بصحبة الكابتن سليم إلى رأفت الصياد وتحدثوا معه حول توظيف يارا في النادي و..
شيرين مساء الخير عليكو جميعا
رأفت مساء الخير
نادية ازيك يا شيري وحشاني
شيرين انتي اكتر يا نادية هانم
صافي فينك يا شيري مش باينة
