يارا وادهم ٢٤
انت في الصفحة 1 من 7 صفحات
الحلقة الرابعة والعشرون والخامس والعشرون تفاعلو
توجهت يارا إلى مكتبها الجديد في الطابق الثالث حيث قابلت هناك رجلا يبدو عليه الوقار والكبر في السن هو الأستاذ منير الذي رحب بها و...
يارا سلامو عليكم
منير وعليكم السلام ايوه يا بنتي
يارا أنا يارا الصياد
منير وهو ينظر لها من أسفل نظارته الطبية أها
يارا المفروض يعني اني ...اني آآآ
يارا بالظبط كده
منير طيب بصي يا بنتي مبدأيا أنا الاستاذ منير هبقى رئيسك هنا في المكتب
يارا أها
منير طبعا رئيسك المباشر هو المهندس خالد
يارا تمام
منير كمان مكتبك هيكون اللي هناك ده
يارا وهي تشير بيدها اللي جوا ده
منير ايوه
يارا اوك
منير أنا بقى هفهمك النظام هنا ايه وبعد كده هاقولك المطلوب منك ايه
يارا في نفسها والله الظاهر ان الشغل مع الراجل أبو وش سمح ده هيكون أحسن من أبو الڠضب اللي فوق
منير تعالي بقى عشان أعرفك احنا بنعمل ايه هنا
يارا اوك يا استاذ منير
منير احنا هنا مسئولين عن عمل سجلات بأسماء كل الشركات والعملاء اللي بنتعامل معاهم من أول ما بدأت الشركة عملها لحد النهاردة
يارا أها
منير احنا بنعمل ملف فيه أهم المعلومات والصفقات اللي شركتنا قامت بيها مع العملاء دول أو الشركات
منير وده بيشمل الشركات والعملاء جوا مصر وبراها
يارا مممم..
منير احنا بفضل الله عندنا قاعدة بيانات بمعلومات صحيحة وموثقة بكل ده
يارا مبدية اعجابها برافو
منير طبعا ده بيسهلنا حاجات كتير خصوصا لو الشركة هتتعاقد معاهم مرة تانية أو مع حد جديد
يارا اها
منير كمان قاعدة البيانات دي بتفيدنا في معرفة الوضع المادي لكل شركة
منير وفي جزء بيوضحلنا الشركات الناشئة أو اللي ع الطريق ووضعها خلال الفترة اللي بدأت فيها
يارا ممم... بيتهيألي ان المعلومات دي فادتكم كتير
منير طبعا
يارا أها
منير المطلوب بقى منك تعملي قايمة بأسماء الشركات اللي حققت أرباح معانا خلال ال 5 سنين اللي فاتوا وقايمة بالشركات اللي سببت خسارة للشركة
يارا بسيطة ندخل ع القاعدة اللي حضراتكوا عاملينها ونعمل ترتيب للأرباح وهتطلع القايمة
يارا ليه بس
منير المشكلة يا بنتي اننا بنحدث في القاعدة دي وبالتالي هي مفصولة لحين الانتهاء من تحديثها وبالتالي مطلوب نضيف الجزء ده فيها يدويا
يارا طيب مافيش مشكلة احنا نطلع على ملفات الشركات دي ويعني نحاول نظبط الدنيا
منير يعجبني فيكي روح الحماسة بتاعة الشباب دي
منير ربنا يعينك يا بنتي الملفات عندك هناك أهي عشان تبصي عليها
يارا فين يا أستاذ منير
منير افتحي الباب اللي هناك ده هتلاقي كل الملفات الخاصة بالشركات اللي اتعاملنا معاها من يوم ما بدأنا أنا مرتبها كلها
يارا اوك
منير الاستاذ خالد طالب انك تنتهي من غالبيتها يعني لحد قبل ميعاد الانصراف ودي مهمتك الأولى
يارا مافيش مشكلة هيطلعوا كام ملف يعني
منير كام ملف !!!! أنا رأيي تشوفي بنفسك
يارا حاضر ... يعني هايكون فيها ايه عفريت
توجهت يارا إلى الباب الذي أشار له الأستاذ منير وما ان فتحته حتى شهقت من المنظر ...
يارا ايييييييييييه ده كل دوووول !!!!!!!
منير من بعيد شوفتيهم يا بنتي
يارا بضيق ايوه
يارا احنا متفقناش ع كل ده
منير حاولي تبدأي عشان وقتك
منير والله يا يارا يا بنتي المهندس خالد هو اللي طلب مني أكلفك بالمهمة دي
يارا لا والله طب أنا طلعاله أنا أه جاية أدرب بس مش معنى كده انه يطلع عيني وأنا لسه مش عارفة حاجة
منير بس آآآآ...
يارا أنا برضوه بنت عمه مش واحدة
