يارا وادهم
في البيت ده كان غلط من الأول !!!
شاهي متجاهلة يارا يالا يا جماعة نكمل الحفلة سيبكوا من كلام الشحاتين ده !!!
انصرفت يارا دموعها على خدها حاول عمر اللحاق به ولكنها رفضت أن تستمع له بينما عاتب خالد وأدهم شاهي على ما فعلت
خالد شاهي أنا مكونتش أتخيل انك بالشكل ده ايه مافيش في قلبك رحمة بدل ما تقوليلها شكرا ع هديتها ومجاملتها ليكي تهزأيها بالشكل ده
أدهم أنا مش مصدق انك تعملي كده يا شاهي
شاهي لأ صدق !! أنا قرفت من عمايلها و..آآآ
أدهم بجد انتي انسانة مش طبيعية حاسبي !!
شاهي رايح فين يا أدهم
أدهم ماشي
شاهي استنى بس يا أدهم ..
أدهم أنا تعبت من كده كان ممكن أعدي أي حاجة إلا انك تتعمدي تعملي ده لأ وكمان تقولي اني شريكك في اللي حصل
ادهم انتي عارفة بكلامك ده عملتي ايه
شاهي سيبك منها وقولي فين هديتي
أدهم ملكيش هدية عندي انا أصلا مفتكرتش اجيبلك هدية
شاهي انت بتهزر صح
أدهم لأ طبعا أنا بتكلم جد
شاهي بس..بس أنا شوفتك جايبلي فستان وآآآ..
ادهم مكنش ليكي ده كان ليارا !!
شاهي پصدمة وذهول نعم لميييييييييين
......................
في غرفة يارا
دلفت يارا إلى غرفتها وهي تبكي بحړقة مما حدث و...
يارا وجودي هنا كان غلط من البداية أنا ليه أفضل أستحمل ده كله عشان خاطر مين الواحد ممكن يسامح في أي حاجة إلا في كرامته دي عندي تساوي كنوز الدنيا كلها
عمر من خارج غرفتها يارااااا ... افتحي يا يااااارا
عمر اهدي بس احنا عارفين ان شاهي بتاعة حركات ناقصة
يارا لو سمحت يا عمر انا عاوزة أقعد مع نفسي شوية
عمر طيب أنا هسيبك تهدي شوية وهرجعلك تاني
..................
في الحديقة
رأفت في ايه اللي حصل
خالد بابا انت كنت فين
رأفت مافيش كانت بوصل عدلي صاحبي ومراته للعربية ورجعت اومال الدنيا سكتت كده ليه
رأفت عملت ايه
خالد وقعت يارا في البسين وهزأتها قصاد الناس وماما كانت مشجعاها ع الأخر !!
رأفت ايييه !! مش ممكن !!
..........................
شاهي يعني انت مجبتليش هدية
ادهم ايوه أنا أصلا نسيت اجيبلك أي حاجة
شاهي ايييه
أدهم كل اللي كان في بالي أجيب حاجة ليارا !!
شاهي لألألأ.. متقولش كده أنت عاوز بس ټحرق في دمي وخلاص
شاهي مش ممكن
ادهم انتي كنتي عاوزة حفلة واهي اتعملت كنت عاوزة لمة وأهي الناس جت واتفرجت بس عليكي انتي مش عليها
شاهي يا أدهم !
ادهم مكملا الكل الوقتي عرف انتي ايه واحدة مش بيهمها غير اهانة الناس والتعالي عليهم واحدة مهمهاش انها أهانت بنت عمنا وه بتديلها هدية عيد ميلادها !! يعني كأنها أهانتنا لأ والمصېبة في بيتنا !!!
شاهي أنطي فريدة هي اللي آآآ... هي آآآ
أدهم انتي وماما زي بعض ! وللأسف مش هتتغيروا !!! أنا كنت مفكر انك غيرها أه بتحاولي تقلديها في طريقتها لكن انتي طلعتي أسوأ منها !!!!!
شاهي أنا ..أنا ...
ادهم أنا مش عارف أنا ليه بتكلم معاكي أصلا !! وسعي من سكتي خليني أشوف اللي عملتيه !!! وروحي انتي هيصي مع ضيوفك ! عن اذنك
شاهي يا أدهم ماتسبنيش وتمشي .. أدهم ..
