العريس
بتحبها أوي يا جدو
والله يا ورد عمر حبها في قلبي ما قل ذرة واحدة ومن بعد فراقهاالله يرحمها ما في واحدة شغلتني غيرها وإسألي أمك أهي هتقول لك إني عمري ما زعلتها أبدا الله يجمعني بيها يارب
ربنا يطول في عمرك يا بابا
إيه يا جدو بقا مش عايز تحضر فرحي
ربنا يكمل لك على خير يا حبيبة جدك وأفرح بآية هي كمان قريب إن شاء الله
غزل رني على ورد تطلع تبات معانا
طيب وأنت قومي إعملي فشار
حاضر
عيال أنا عايزة أزغرط هو أنتم إزاي هاديين وعندنا فرح بكرة كدا
إتهدي يا حلوة الساعة 2الفجر بطلي إزعاج علشان الجيران ميحبسوناش
ورد هو أنت إتهبلتي
سيبيها يا غزل دي عبيطة ربنا يشفيها
حدفتني بالمخدة وقعدنا نهزر لحد ما نمنا آخر ليلة لغزل معانا في البيت والله عايزة أعيط علشان هتسيبنا
قومنا بدري على صوت ماما وطنط نبيلة علشان نجهز الدنيا
المأذون على وصول
أحلى من الحلى يا عيوني والله بسم الله أرقيك من عيوني وعيون كل ال يشوفك يا حبيبي
آية تعالي كلمي باباك
أستر يارب
نعم يا بابا
غيث متقدم لك
غيث مين
بت مش ناقصة هبل هو إحنا عندنا كام غيث!
طب ورب الكعبة ما حد أهبل غير ابن أخوك يا ماماهو دا وقته وأنا مش موافقة
أنت عبيطة يا بت بترفضيه تاني وترجعي تبكي على الأطلال والله يا آية لو رفضتيه وراح خطب
غيرك وسمعت صوتك ل أوئدك
سيبيها يا ورد
يا غيث إستنى بس
خلاص يا ورد
مرتاحة كدا
زقتني وخرجت فضلت لوحدي في الأوضة بستوعب
ال حصل أنا مكنش قصدي أزعله أو أرفض أنا بس كنت مخضۏضة ومش مستوعبة طب هو أنا كدا خلاص مليش فرصة معاه!!
مبارك يا غزل مبارك يا نور عيني
لينا كلام سوا علفكرة
سيبك من أي حاجة دلوقت خلينا نفرح بيك
حضنتني أوقات كنت بحس إنها أمي مش بنت خالي فيها كمية طيبة وحنية تكفي العالم وتفيض
هو أنت بتعملي فينا كدا ليه
بعد ما غزل مشت والدنيا بدأت تهدى والكل نزل شقته غيرت هدومي ولبست إسدال وخرجت أقعد على السلم وبعد فترة سمعت صوته
ما تردي يا آية
أنا آسفة
وبعدها
أنا طلبتك مرتين يا آية مرتين وأنت رفضتيني برغم إني عارف إنك عايزاني ومتأكد من كدا يبقى ليه ليه بجد
أول مرة أنا كنت تالتة ثانوي كنت متوترة وخاېفة
أنت عارف إن كتير كانوا مستنين فشلي وبيتنمروا عليا وأنا خۏفت خۏفت أفشل فعلا وأبقا مش لايقة بيك
غلطت غلطت وإستحملت نتيجة غلطي لما قررت إنك تسافر وتبعد
والنهاردة مكنتش مصدقة ال حصل
