يارا وادهم
بابا من الأول دي جوازة متكافئة بالنسبالي
رأفت رغم إني مش مقتنع بصراحة باللي بتقوله بس هاقول ايه غير ربنا يصلح حالك يا بني ويفرحك
خالد يا رب .. بقولك يا بابا
رأفت ايوه يا بني
خالد أنا عاوز أتجوز شاهي في نفس يوم جواز أدهم
رأفت ايييه
خالد مالوش لازمة نضيع وقت
رأفت بس آآآ...
خالد أنا هكلم خالتي وهظبط معاها وحضرتك بقى تظبط ماما
خالد وجاسر سيبوه عليا
رأفت بس انتو هتعيشوا فين
خالد هنا طبعا
رأفت اخوك قرر يعيش مع يارا في شقته
خالد وماله كده أحسن
رأفت اها
خالد عاوزين الفرحة تدخل البيت بقالنا زمن مافرحناش
رأفت يا رب يا بني يفرحكم ويسعدكم ويكرمكم بالأحسن
خالد اللهم أميييين
رأفت اطلع بقى ع أوضتك وان شاء الله اللي جاي هايكون افضل
..............................
في فيلا ناهد الرفاعي
في غرفة ناهد
اتصلت ناهد هاتفيا بعدلي لتبلغه بأخر التطورات التي حدثت و...
عدلي هاتفيا هي دي الأخبار الحلوة ايوه اتحفيني
ناهد كده يبقى ضمنا ان شاهي هتحط رجلها ع أول الطريق اللي يودينا لثروة الصياد !
عدلي المهم تنصحي بنتك كويس عشان تعرف تخلي خالد زي الخاتم في صوباعها
عدلي بالظبط
ناهد اطمن أنا هوعي البت كويس
عدلي وخليكي عارفة ان برضوه مش هتنزل عن حقي في الملايين اللي تخصني ماشي
ناهد طيب خلاص عرفت بس مش الوقتي أما أطمن ان شاهي بقت في عصمة خالد
عدلي وماله واهو زيادة الخير خيرين
ناهد ايوه ..
وبعد مرور يومين
في فيلا رأفت الصياد
كانت الفيلا تعج بالكثير من الأشخاص الغرباء فالبعض مسئول عن توضيب العروس والبعض الأخر مسئول عن توضيب ملابسها وكانت فريدة وسط كلها هذا تشعر بالغيظ و...
فريدة لأ بجد كده كتير مش ممكن اللي بيحصل ده ده مابقاش بيت ده بقى سويقة كل من هب ودب داخل وطالع عادي .. اوووف ..
فريدة هطأ من اللي بيحصل في بيتي
عمر ده انتي المفروض يا ماما تبقى فرحانة ده فرح ادهم بكرة
فريدة قول جنازته حفل تأبينه لكن جوازة استحالة !!!
عمر يا ساتر يارب ! طيب يا ماما هاسيبك انتي في أحزانك وأروح اشوف العروسة
فريدة انت هتنقطني انت التاني
عمر ليه بس يا ماما
فريدة عروسة ايه اللي عاوز تشوفها دي بوز الاخص اللي دخلت علينا بالنحس
فريدة بعصبية امشي من قدامي .. امشي !!!
.................
في غرفة يارا
كانت الفتيات يقمن بتوضيب يارا وتجهيزها في استعدادات خاصة لما قبل الزواج و..
يارا ليه كل ده
أحد الفتيات هي العروسة بتعمل الحاجات دي كلها
يارا ده اسمه اڼتحار أنا تعبت وزهقت
فتاة اخرى تعبتي اييه بس ده احنا لسه بنقول يا هادي
يارا اوووف ويا ريت كل اللي بيتعمل ده لحد يستاهل
طرق أدهم باب غرفة يارا ليعرف ما يحدث عندها ولكن منعته أحد الفتيات من الولوج للداخل و..
أدهم اومال فين يارا
احد الفتيات موجودة جوه بتتزوء
أدهم بخبث مممم.. والله ! طب أنا عاوز أشوفها
أحد الفتيات مايصحش حضرتك تشوفها
أدهم ليه يعني
أحد الفتيات ده فال وحش
ادهم فال وحش ليه هي هتتحول لعم راضي لو أنا شوفتها وسعي بس عاوز أبص
أحد الفتيات لأ عيب عن اذنك
ثم أغلقت الفتاة الباب وهي تضحك ...
أدهم بصوت مرتفع يا خبر مداري دلوقتي بكرة يبقى ع المفتشي ولابس الشفتيشي
يارا من الداخل اوووف بارد ..!!!
طلبت يارا صديقتها سمر هاتفيا لتطلب منها أن تحضر إلى حفل زفافها و..
يارا هاتفيا لأ حاولي تيجي
