حبيبي المدير 51 الكاتبة شيماء صبحي

ياما عديت باقوي واصعب من كدا بس دي كانت صدمت عمري!
مريم ضمت شفايفها بزعل وطبطبت عليها ووقتها دخل ماهر وهو بيبص لاحلام بحب وبيقول معلش لو هقاطع كلامكوا بس انا عاوز اتكلم مع احلام شويه
احلام حركت راسها بالموافقه وقامت وقفت وبصت لمريم واستاذنتها انها هتخرج ومريم حركت راسها بموافقه وأحلام مسكت ايد ماهر وخرجوا وقبل ما مريم تغمض عينيها علشان ترتاح لقت اللي واقف قدامها ومبتسم وبيقول ازيك عامله ايه 
مريم ضمت حاجبها باستغراب وقالت انت مين
حمزه بابتسامه انا حمزه ابن اخت ماهر
مريم حركت راسها بتفهم وهو قال الف سلامه عليكي!
مريم الله يسلمك اتفضل اقعد
حمزه حرك راسه وقعد قدامها وقال بصراحه انا عايز اعتذر منك علشان يعني كنت واقف وبسمع كلامك انتي ووالدتك بس صدقيني كان ڠصب عني
مريم حاولت تعدل نفسها وقالت لا حصل خير انا مش زعلانه اصلا!
حمزه حرك راسه براحه وقال بس انا عندي سؤال بصراحه ومش عارف لو ينفع اساله ولا لا
مريم بانتباه ليه سوال ايه
حمزه بفضول هو انتي ازاي اخت احلام وانا اول مره اشوفك يعني قصدي كنتي عايشه فين 
مريم ضمت حاجبها بحزن كنت عايشه مع والدتي بعيد عنها بس خلاص انا هكون جنب احلام علي طول ومش هسيبها لوحدها تاني!
حمزه ابتسم بصراحه احلام دي اطيب قلب في الدنيا وبنت جدعه جدا واتمني ان علاقتكوا تكون قويه وتفضلوا سند لبعض
ابتسمت مريم وقالت يارب يا حمزه
حمزه ابتسم وقال وهو بيقف الف سلامه عليكي مرة تانيه وانا هستأذن بق علشان ورايا مذاكرة
مريم بموافقه الله يسلمك وانا مبسوطه اني اتعرفت عليك جدا يا حمزه
حمزه بابتسامه لطيفة وانا كمان مبسوط اني اتعرفت عليكي يا مريم ..مع السلامه!
مريم ضحكت مع السلامه
خرج حمزة وهيا وقتها كانت مبسوطه لان واضح عليه انه شاب لطيف فبدات تحس بتعب فغمضت عينيها علشان ترتاح وبالفعل مامت مريم.
وفي الخارج.
ماهر كان واقف مع احلام في ركن هادي وبيقولها اللي مريتي بيه دا كان صعب بس دا من ترتيب ربنا علشان تعرفي الحقيقه. وان .فاديه خالتك وان ليكي ام تانيه.
احلام بدموع للاسف بق ان دا حصل
ماهر مسح دموعها وهيا رمت نفسها في حضنة وقالت بزعل شوفت حظي النحس يا ماهر عماله الحياة تديني في صدمات مفكراني جبل وهقدر استحمل كل دا 
مسح ماهر بايديه علي طرحتها وقال هي الحياه كده بس انا معاكي واوعدك اني هشفي كل چروحها ليكي وهساعدك تلاقي مامتك يمكن هيا اللي عندها الحنان والحب اللي انتي بتدوري عليه 
احلام بعدت عنه وبصت في عيونة وقالت بحب اهو انا بق خاېفه من الحياه دي لتاخدك مني وانا مقدرش اعيش من غيرك!
لمس خدها وابتسم لو الحياة بس فكرت تعمل كده اوعدك اني هقفلها بكل قوتي وامنعها
احلام بحب تفتكر كاما دي عايشه ولا مېته
ماهر بجديه الله اعلم يا حبيبتي بس انا قلبي بيقولي انها عايشه وانك هتقابليها قريب بس انا عايزك تنسي فاديه دي خالص لان كل اللي بيجي من وراها اذيه بس .. ماشي يا احلام
احلام بموافقه حاضر!
ابتسم ماهر وسالها بفضول حلاص مريم صالحتك
احلام حركت راسها بابتسامه وقال لاني عارفه ان كل اللي كانت بتعمله دا بسبب فاديه فسامحنها علي طول لانها اتغيرت وحتي نظرتها ليا بقت حنينه!
ابتسم ماهر وفرح من كل قلبه ان مريم اتغيرت وفاقت لنفسها اخيرا فقال ربنا يقومها بالسلامه ويخليكم لبعض!
احلام ابتسمت يارب يا ماهر ويخليك ليا انت وحمزه
يارب
حمزه كان واقف متابعهم من بعيد وماكنش راضي